Vyjšaŭ trejler filma pra muškiecioraŭ ź Viensanam Kasielem i Jevaj Hryn
U płanach užo i praciah, dzie ŭ centry siužetu budzie historyja Miłedzi. U masoŭcy byli zaniatyja 9 tysiač statystaŭ i 650 koniej.
Francuzskaja kinastudyja «Pate» pakazała trejler filma «Try muškieciory: D'artańjan», pieršaj častki epičnaj sahi, jakaja składajecca z dvuch epizodaŭ. Pryhodnicki film źniaŭ režysior Marcin Burbułon («Ejfiel»). Scenar napisali Maćjo Dełaport («9 pryčyn, kab žyć») i Alaksandr de la Pateljer («Zachavalnik Miesiaca», «Miehre», «Imia») na asnovie litaraturnaha tvora Alaksandra Dziuma 1844 hoda, piša RBK.
«Ad Łuŭra da Bukinhiemskaha pałaca, ad ściokavych kanaŭ Paryža da abłohi La-Rašeli … U karaleŭstvie, što padzielena relihijnymi vojnami i znachodzicca pad pahrozaj brytanskaha ŭvarvańnia, žmieńka mužčyn i žančyn skryžujuć špahi i źviažuć svoj los ź losam Francyi», — havorycca ŭ apisańni prajekta.
Apierataram na prajekcie vystupiŭ Nikałas Bałduk, jaki źniaŭ filmy «Vorah» i «Vydatnaja epocha», muzyku napisaŭ kampazitar Hijom Rusiel («Šnary Paryža»).
Jeŭrapiejski błokbastar ź biudžetam $70 młn zdymali na praciahu vaśmi miesiacaŭ u Francyi. Realnymi dekaracyjami stali interjery nacyjanalnych słavutaściaŭ, siarod jakich Łuŭr, Dom invalidaŭ, zamki Fantenbło i Sien-Žermien, a taksama cytadel Sien-Mała i histaryčny centr horada Trua.
Fransua Sivil syhraŭ D'artańjana, jon viadomy pa rolach u filmach «Frenk», «Paryž. Horad miortvych», «Poklič vaŭka». Miłedzi vykanała francuzskaja aktrysa Jeva Hryn («Apošniaje kachańnie na Ziamli», «Letucieńniki»). Taksama ŭ karcinie zaniatyja Viensan Kasiel, Ramen Dziurys, Pijo Marmaj. U masoŭcy byli zaniatyja 9 tysiač statystaŭ i 650 koniej.
«Try muškieciory: D'artańjan» vyjdzie ŭ prakat 5 krasavika 2023 hoda, a praciah historyi pad nazvaj «Try muškieciory: Miłedzi» hledačy ŭbačać u śniežni 2023 hoda. Ci pakažuć u Biełarusi film, nieviadoma.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?1
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1717
Kamientary