Pazbaŭlać hramadzianstva za ekstremisckuju dziejnaść. Deputaty pryniali ŭ dvuch čytańniach zakonaprajekt ab hramadzianstvie
Deputaty na pasiadžeńni Pałaty pradstaŭnikoŭ pryniali ŭ dvuch čytańniach źmieny ŭ zakon «Ab hramadzianstvie Respubliki Biełaruś», paviedamlaje BiełTA.
Adna z navacyj — asoby, jakija nabyvajuć hramadzianstva Respubliki Biełaruś, pavinny buduć prynosić prysiahu. Kali admaŭlajucca — heta dadatkovaja padstava admianić rašeńnie ab nabyćci hramadzianstva. Taksama budzie rehłamientavana, jak aceńcvać uzrovień viedańnia adnoj ź dziaržaŭnych moŭ pry pryjomie ŭ hramadzianstva.
Zamacoŭvajucca abaviazki piśmova abo ŭ elektronnaj formie apaviaščać kampietentnyja orhany krainy ab najaŭnaści hramadzianstva zamiežnaj dziaržavy, dazvołu na žycharstva ci inšaha dakumienta zamiežnaj dziaržavy, jaki daje prava na lhoty i inšyja pieravahi ŭ suviazi z palityčnymi, relihijnymi pohladami abo nacyjanalnaj prynaležnaściu.
Vyznačajecca novaja padstava straty hramadzianstva — u suviazi z najaŭnaściu prysudu, jaki ŭstupiŭ u zakonnuju siłu, jaki paćviardžaje ŭdzieł u ekstremisckaj dziejnaści abo pryčynieńnie ciažkaj škody intaresam Respubliki Biełaruś, kali takaja asoba znachodzicca pa-za miežami krainy.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary