U žudasnaj avaryi pad Rečycaj zahinuli dačka i ŭnuk. Ciapier u balnicy pamierła i sama žančyna
U lakarni pamierła 57‑hadovaja pasažyrka «Reno», jakaja paciarpieła ŭ strašnym sutyknieńni z furaj. Rankam 2 sakavika na miescy ŭ DTZ zahinuli jejnaja dačka i ŭnuk.
Infarmacyju pra toje, što paciarpiełaja ŭ DTZ u Rečyckim rajonie 57‑hadovaja pasažyrka, niahledziačy na namahańni lekaraŭ, pamierła ŭ balnicy, paviedamiŭ kanał «Mazyr».
Trahiedyja adbyłasia ranicaj na trasie pamiž Śvietłahorskam i Rečycaj. Pavodle papiarednich źviestak, 35‑hadovaja žančyna za styrnom Renault Laguna nie spraviłasia z kiravańniem, i mašynu vykinuła na sustrečnuju pałasu pad hruzavik DAF.
Udar byŭ takoj siły, što kiroŭca i jaje 9‑hadovy syn zahinuli imhnienna. Za žyćcio starejšaj pasažyrki, maci kiroŭcy, daktary zmahalisia ŭ reanimacyi rečyckaj balnicy, adnak vyratavać jaje nie ŭdałosia — atrymanyja traŭmy byli niesumiaščalnymi z žyćciom.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary