Ježa66

Užyvajecie na kuchni aluminijevuju folhu? Praviercie, ci pravilna heta robicie

Aluminijevaja folha šyroka vykarystoŭvajecca ŭ kuchonnych spravach. Naprykład, u jaje časta zakručvajuć miasa padčas zapiakańnia ŭ duchoŭcy, kab zrabić jaho bolš sakavitym. Ale nie ŭsie viedajuć, jaki bok folhi lepš dla hetaha vykarystoŭvać.

Fota: pixabay.com

Kuchonnaja folha vykarystoŭvajecca nastolki šyroka, što niekatoryja nie ŭjaŭlajuć svajho žyćcia bieź jaje. Pieršapačatkova folhu ŭžyvali, kab zapakoŭvać cukierki i šakaład. Ale ŭ 1960-ja hady folhu pačali vykarystoŭvać na kuchniach, raskazvaje aniaradzi.pl.

Aluminijevaja folha niepranikalnaja dla pavietra, śviatła i vady, tamu jana idealna padychodzić dla zapakoŭvańnia praduktaŭ, kali vy chočacie zachavać ich śviežymi na jak maha daŭžejšy čas. Ježa, zakručanaja ŭ folhu, daŭžej zachoŭvaje smak i pach i nie pieradaje hety pach inšym praduktam. Taksama aluminijevaja folha prydatnaja dla zapiakańnia ŭ duchoŭcy, bo miasa i ryba, zahornutyja ŭ folhu, nie pierasychajuć — i strava atrymlivajecca sakavitaj i miakkaj.

Ale padčas vykarystańnia folhi treba pamiatać pra miery pieraściarohi, kab chimičnyja rečyvy ŭ joj nie aktyvizavalisia. Aluminijevuju folhu nielha vykarystoŭvać u mikrachvaloŭcy, taksama rajać nie nakryvać joj mietaličnyja miski i talerki.

Folha maje dva baki — bliskučy i matavy, i hetaje adroźnieńnie maje značeńnie. Bliskučy bok folhi nie prapuskaje ciapło (adbivaje jaho), a matavy — prapuskaje (pahłynaje).

Bliskučy bok folhi spryjaje zachavańniu tempieratury, tamu, kali vy zakručvajecie miasa ci ptušku dla zapiakańnia ŭ duchoŭcy, zakručvajcie ich u folhu bliskučym bokam usiaredzinu. Taksama tak varta zapakoŭvać ježu, jakaja nie pavinna chutka astyć, naprykład, pierad padačaj stravy haściam.

Matavy bok folhi vykarystoŭvajecca, kali my chočam, kab pradukty jak maha daŭžej zastavalisia śviežymi. Miasa ci buterbrody, što zachoŭvajucca ŭ chaładzilniku, pavinny być zapakavanyja tak, kab matavy bok folhi byŭ usiaredzinie, a bliskučy — zvonku.

Kali vy bieracie z saboj buterbrody ŭ śpiakotny dzień, taksama zaviarnicie ich tak, kab matavy bok folhi byŭ unutry. Dziakujučy hetamu ježa nie nahrejecca i nie sapsujecca, bo bliskučy bok folhi budzie adbivać ciapło.

Jak vykarystoŭvać folhu padčas zapiakańnia ježy ŭ duchoŭcy? Zmažcie bliskučy bok tłuščam i potym zaharnicie ŭ jaje miasa, rybu ci bulbu, jakija źbirajeciesia zapiakać, to-bok bliskučy bok folhi budzie ŭnutry. Heta dazvolić stravie zhatavacca chutčej. Dla zapiakańnia ŭ folzie lepš vykarystoŭvać miasa bieź vialikaj kolkaści tłušču, a harodninu varta zapiakać całkam ci vialikimi kavałkami z łupinami.

Čytajcie taksama:

Aluminijevaja folha škodzić zdaroŭju. Voś u jakich vypadkach

Zahortvańnie noh u folhu: na pieršy pohlad, absurd, ale časam dapamahaje

Hetyja pradukty nielha padahravać u mikrachvalevaj piečy. Heta prosta niebiaśpiečna

Kamientary6

  • IMIA
    21.12.2022
    Aluminij škodny dzia zdaroŭja, tamu lepš folhaj nie karystacca ŭvohule.
  • jazva
    21.12.2022
    skazała IMIA, nadziavajučy šapačku z falhi
  • Chm-m
    21.12.2022
    IMIA, A vy što, i folhu jaścio ? Jaje ž treba vykidać, paśla skarystańnia, ci ja čahości nie razumieju ?

Ciapier čytajuć

U šaści biełaruskich haradach Biełarusi pačałasia epidemija reśpiratornych infiekcyj. A jakaja situacyja ŭ cełym?

U šaści biełaruskich haradach Biełarusi pačałasia epidemija reśpiratornych infiekcyj. A jakaja situacyja ŭ cełym?

Usie naviny →
Usie naviny

U Minsku za apošnija sutki vypali dźvie traciny miesiačnaj normy apadkaŭ2

Razam z prapahandystam Fiedarčakom zahinuli jašče dva pradstaŭniki rasijskich ŚMI9

Błohier Vadimati raśpisaŭsia anłajn sa svaim partnioram, ź jakim razam užo bolš za 10 hadoŭ14

Rasija na pieramovach u Saudaŭskaj Aravii patrabuje ŭsiu terytoryju čatyroch ukrainskich abłaściej21

U «Minsk-Śviecie» vyrašyli pytańnie z apłataj za šyldy na damach

Daradca Trampa pa nacbiaśpiecy vypadkova dadaŭ žurnalista ŭ sakretny čat u Signal. Raskrytyja miechanizmy pryniaćcia rašeńniaŭ17

Tramp: Na pieramovach u Er-Ryjadzie abmiarkoŭvajucca terytaryjalnyja pytańni i vałodańnie AES7

U Biełarusi narešcie źjaviacca elektronnyja recepty i balničnyja. Prajekt zatrymaŭsia na try hady z-za sankcyj1

Va Ukrainie zahinuŭ prapahandyst z rasijskich «Iźviestij»4

bolš čytanych navin
bolš łajkanych navin

U šaści biełaruskich haradach Biełarusi pačałasia epidemija reśpiratornych infiekcyj. A jakaja situacyja ŭ cełym?

U šaści biełaruskich haradach Biełarusi pačałasia epidemija reśpiratornych infiekcyj. A jakaja situacyja ŭ cełym?

Hałoŭnaje
Usie naviny →

Zaŭvaha:

 

 

 

 

Zakryć Paviedamić