Hałoŭčanka raskazaŭ, ci praciahniecca strohaje rehulavańnie cenaŭ
Premjer-ministr Raman Hałoŭčanka daŭ prahnoz pa inflacyi pa vynikach hoda i raskazaŭ, ci praciahniecca žorstkaje rehulavańnie cenaŭ, paviedamlaje BiełTA.
Łukašenka 6 kastryčnika zabaraniŭ pavyšać ceny, jon padpisaŭ Dyrektyvu № 10 «Ab niedapuščalnaści rostu cen». Potym pastanovaj urada № 713 było ŭviedziena rehulavańnie cen na tavary spažyvieckaha košyka.
«Tak, było pryniata takoje rašeńnie, zaraz jano implemientujecca. Rašeńnie dastatkova nieardynarnaje, u suśvietnaj praktycy redka prymianiajucca takoha rodu kompleksnyja rašeńni pa rehulavańni cen.
My bačym, što pa niekatorych aśpiektach, mahčyma, treba kropkava pryniać adpaviednyja karekciroŭki. Ciapier nad hetym pracujuć ekśpierty, analizujuć realnyja kiejsy. Kali pryjdzie čas i rašeńnie budzie hatova, niejkija karekciroŭki, mahčyma, buduć uniesieny, jany aktyŭna abmiarkoŭvajucca. Ale ŭ cełym sistema budzie praciahvać pracavać.
Mahčyma, kali inflacyja pryjdzie ŭ normu, my vierniemsia da hetaha pytańnia», — raspavioŭ Raman Hałoŭčanka.
Pa jahonych słovach, užo treci miesiac adznačajecca deflacyja.
«Choć da hetaha hadavy ŭzrovień byŭ 17 pracentaŭ, dumaju, my vyjdziem na 12—13 pracentaŭ pa vynikach hoda», — prahnazuje premjer-ministr.
U inflacyi jon abvinavaciŭ źniešni faktar.
«Upeŭnieny: kali b nie źniešniaja situacyja, my byli b u miežach ustanoŭlenych 5-pracentnych paramietraŭ pa inflacyi. Unutranyja faktary nie adyhryvajuć istotnaj roli ŭ inflacyi: makraekanomika zbałansavanaja, valutny rynak zbałansavany, kurs biełaruskaha rubla na praciahu hoda ŭmacoŭvaŭsia ŭ adnosinach da košyka valut (z vahańniami, ale sukupna my majem umacavańnie). Heta značyć, unutranych prainflacyjnych faktaraŭ nie było. Usio heta prasłavutaja impartujemaja inflacyja», — reziumavaŭ Raman Hałoŭčanka.
Ciapier čytajuć
Łukašenka pra vyzvaleńnie palitviaźniaŭ: Chočuć zastacca ŭ Biełarusi — kali łaska1
Kamientary