Centr biełaruskaj salidarnaści: Biełarusam časta admaŭlajuć u vydačy humanitarnych viz unutry Polščy
Centr biełaruskaj salidarnaści, jaki mieścicca ŭ Varšavie, pravioŭ analiz zvarotaŭ biełarusaŭ pa humanitarnyja vizy ŭ Polščy i zaŭvažyŭ, što admoŭ dastatkova šmat. Padstavaj dla admovy ŭ vydačy vizy moža słužyć pajezdka pry najaŭnaści papiaredniaj padobnaj vizy ŭ Biełaruś, piša telehram-kanał «Pozirk».
«Davoli šmat admoŭ prychodzić. Kali čałaviek atrymlivaje admovu, jon navat nie viedaje, ź jakoj pryčyny jaje atrymaŭ. Čaściej za ŭsio adznačajecca padazreńnie, što viza budzie vykarystoŭvacca nie pa metavym pryznačeńni», — paviedamiła jurystka CBS Maryna Hryščanka.
Hryščanka rekamiendavała hramadzianam Biełarusi pry admovach u vizie inicyjavać praceduru paŭtornaha razhladu. U takim vypadku nieabchodna źviartacca ŭ MZS. U vypadku paŭtornaha admoŭnaha rašeńnia abskardzić jaho niemahčyma.
Pryjom zajaŭ na humanitarnyja vizy na terytoryi Polščy pačaŭsia 22 vieraśnia ŭ vizavych centrach VFS Global u Varšavie, Poznani i Lublinie.
Pieršapačatkova CBS fiksavaŭ masavyja admovy ŭ pryjomie dakumientaŭ. Pavodle słoŭ Hryščanki, zaraz ich prymajuć značna lepš.
Adnak častaj pryčynaj admoŭ zastajecca niedastatkovaja kolkaść pustych staronak u pašparcie.
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna14
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii2020
Kamientary