Miemuary prynca Hary pastupili ŭ prodaž i karystajucca vialikaj papularnaściu
Spačatku byli kadry ź intervju prynca Hary, zatym — uciečki z samoj knihi. Ažyjataž vakoł miemuaraŭ prynca nie słabieŭ niekalki dzion, i narešcie kniha «Zapasny» aficyjna źjaviłasia na palicach kram, piša Bi-bi-si.
Kniharni ŭ Łondanie adkrylisia apoŭnačy i nieadkładna trapili ŭ abłohu achvotnych daviedacca pra historyju prynca ź pieršych ruk.
Sietka kniharniaŭ Waterstones śćviardžaje, što kolkaść pieradzamoŭ na miemuary prynca Hary stała adnoj z samych vysokich za dziesiacihodździe.
Fłahmanski mahazin Waterstones na Pikadzili adkryŭsia da śvitańnia.
Filijały inšaj bujnoj sietki WH Smith u aeraportach i na vakzałach taksama praciahnuli hadziny pracy, čakajučy napłyvu pakupnikoŭ.
Na brytanskim sajcie internet-kramy Amazon «Zapasny» adrazu trapiŭ u śpisy bestseleraŭ i staŭ hałoŭnaj siensacyjaj miesiaca.
Na 410 staronkach prync raskryvaje padrabiaznaści žyćcia karaleŭskaj siamji, svaje ŭnutranyja kanflikty ź jaje členami i niečakanyja detali sa svajho minułaha, nakštałt razmoŭ ź viadźmarkaj, nibyta jakaja vałodała daram mieć znosiny ź miortvymi, abo sprečki z rodnym bratam, jakaja skončyłasia rukaprykładstvam.
U knizie taksama havorycca, što prync Hary maliŭ baćku nie ažanicca paŭtorna, što jon zabiŭ 25 bajevikoŭ padčas słužby ŭ Afhanistanie, što jon prymaŭ psichadeličnyja preparaty, zbolšaha ŭ adkaz na prystupy paniki, i što ŭ jaho žonki Miehan i žonki prynca Uiljama Ketryn byli niaprostyja adnosiny.
410-staronkavyja miemuary, jakija raskryvajuć kanflikty i asabistyja treńni ŭnutry karaleŭskich pałacaŭ, pakazvajuć viersiju prynca Hary pra staleńnie i nastupny razryŭ z karaleŭskaj siamjoj.
U Kiensinhtonskim i Bukinhiemskim pałacach (rezidencyjach prynca Uiljama i karala Karła III adpaviedna) ad kamientaroŭ admovilisia.
Kamientary
- nu a što chočaš - sapraŭdy niemiec. sapraŭdny krestanosiec