U Baškartastanie vajskoŭcu dali piać hadoŭ turmy za admovu vajavać va Ukrainie
Ufimski harnizonny vajskovy sud prysudziŭ da piaci hadoŭ kałonii ahulnaha režymu 24-hadovaha jafrejtara Marsela Kandarava, jaki admoviŭsia adpravicca na vajnu va Ukrainu, vynikaje z paviedamleńnia pres-słužby sudoŭ Baškiryi, piša Bi-bi-si.
Vajskoŭca abvinavacili va ŭchileńni ad prachodžańnia vajskovaj słužby praciahłaściu zvyš adnaho miesiaca ŭ pieryjad mabilizacyi, skazana ŭ paviedamleńni.
Letaś u mai Kandaraŭ, «nie žadajučy prymać udzieł u śpiecyjalnaj vajennaj apieracyi», nie źjaviŭsia da miesca słužby, vyznačyŭ sud. Jaho zatrymali ŭ vieraśni.
Sud pryznaŭ Kandarava vinavatym u ździajśnieńni złačynstva, praduhledžanaha č. 5 art. 337 KK RF, jamu pryznačana pakarańnie ŭ vyhladzie piaci hadoŭ pazbaŭleńnia voli z adbyvańniem u kałonii ahulnaha režymu. Prysud jašče nie nabyŭ moc, značyć, moža być abskardžany.
Heta novaja norma, pryniataja ŭ vieraśni ŭ pakiecie «vajennych» papravak u Kryminalny kodeks Rasii, źviazanych z uvarvańniem va Ukrainu. Piać hadoŭ — minimalny termin, praduhledžany joj. Maksimalny — 10 hadoŭ.
U kancy śniežnia toj ža sud va Ufie vynies prysud pa toj ža č. 5 art. 337 KK RF 27-hadovamu Sałavatu Mirasavu pa spravie ab samavolnym pakidańni čaści ŭ pieryjad mabilizacyi, a ŭ kancy śniežnia stała viadoma pra vajennaha, asudžanaha na Kamčatcy pa inšaj novaj normie — č. 2.1 art. 332 KK RF (nievykanańnie zahadu načalnika ŭ pieryjad vajennaha stanovišča, u vajenny čas albo va ŭmovach uzbrojenaha kanfliktu). Hetaja norma praduhledžvaje mienš strohaje pakarańnie — da troch hadoŭ, i vajskoviec Alaksiej Brevusaŭ atrymaŭ tolki hod i vosiem miesiacaŭ pazbaŭleńnia voli ŭ kałonii-pasialeńni.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary
Nie to čto ostalnoje stado žiełudkov uzkich.