Juryja Kaściuka asudzili da 4 hadoŭ kałonii za dapamohu inšym palitviaźniam atrymlivać hrošy ad fondaŭ

Piać miesiacaŭ jon utrymlivaŭsia ŭ rasijskim śledčym izalatary, jašče try miesiacy — u biełaruskich. Palitviaźnia asudzili pavodle č. 1 art. 361-4 Kryminalnaha kodeksa (sadziejničańnie ekstremisckaj dziejnaści) za toje, što dapamahaŭ inšym palitviaźniam atrymlivać dapamohu ad fondaŭ. Sam Kaściuk na sudzie vinu nie pryznaŭ i admoviŭsia davać pakazańni. Na sudzie dapytali siem palitźniavolenych z PUAT № 24, jakija byli tam razam z Kaściukom. Sudździa Śviatłana Kramianioŭskaja vyniesła mienavita taki prysud, jaki zapytvaŭ prakuror Alaksandr Baciuška, piša «Bresckaja Viasna».

Zhodna z materyjałami spravy, Juryj Kaściuk źviazaŭsia praź internet z pradstaŭnikami «ekstremisckich farmiravańniaŭ» dla atrymańnia hrašovych vypłat. Paśla jon šukaŭ hramadzian, jakija byli pryciahnutyja da kryminalnaj adkaznaści za «złačynstvy ekstremisckaj nakiravanaści». Pry ich zhodzie nakiroŭvaŭ kopiju prysudu svaim kurataram. Dla znojdzienych z dapamohaj Kaściuka ludziej tyja pieraličvali hrošy na polskuju bankaŭskuju kartu, adkrytuju pa prośbie abvinavačanaha na jaho znajomych. Dalej jon ažyćciaŭlaŭ pieravody svajakam asudžanych».

Pa danych abvinavačvańnia, usiaho z 27 lutaha 2021 hoda pa 3 lutaha 2022 hoda Kaściuk atrymaŭ vypłaty dla šaści čałaviek. 

Sam Kaściuk na sudzie vinu nie pryznaŭ. Davać pakazańni admoviŭsia.

Jak raspaviadaje «Bresckaja Viasna», na sudzie prakuror začytvaŭ pakazańni Juryja, dadzienyja im padčas adnaho z zatrymańniaŭ u lutym 2022 hoda. Tady chłopca zatrymali praz telehram-čat dla palitviaźniaŭ z nazvaj «Valejboł pa vychodnych». Pra sam čat Juryj tady skazaŭ, što pra jaho isnavańnie nie viedaŭ, u čat nie zachodziŭ, paviedamleńniaŭ tam nie čytaŭ, chto administratar — nie viedaje. Pra čat jamu było viadoma tolki, što tam dapamahajuć pierasiakać miažu tym, chto asudžany pa palityčnych artykułach. Pra toj fakt, što čat byŭ pryznany ekstremisckim, daviedaŭsia ŭžo tolki na dopytach.

Taksama na tych dasudovych dopytach Juryj raspavioŭ, što sam atrymlivaŭ dapamohu ad BYSOL. Hrošy prychodzili na jeŭrapiejskuju kartu, adkrytuju znajomym pa jaho prośbie. Potym, pavodle začytanych pakazańniaŭ, Kaściuk prapanavaŭ atrymlivać vypłaty na hetuju zamiežnuju kartu niekatorym inšym ludziam, jakija adbyvali pakarańnie ŭ hrodzienskaj PUAT. Adzin raz znajomy źniaŭ 1500 jeŭra ŭ Pružanach i addaŭ hrošy Juryju, a potym addaŭ kartu ŭ karystańnie Kaściuku. U adnym pratakole dopytu ŭ jakaści pakazańniaŭ Juryja zapisana, što hrošy z karty jon pieravodziŭ svajakam palitviaźniaŭ, a ŭ inšym — što hrošy traciŭ na svaje mety, a adrasatam dapamohi kazaŭ, što BYSOL u dapamozie admoviŭ (pry hetym nibyta raźličvaŭ, što na jaho nichto nie paskardzicca, bo im tolki horš budzie).

Na sudzie dapytali siem palitźniavolenych z PUAT № 24, jakija byli tam razam z Kaściukom.

Padtrymać palitviaźnia hrašovymi pieravodami i telehramami: SIZA-7, 224030, h. Brest, vuł. Savieckich pamiežnikaŭ, 37, Kaściuk Juryj Andrejevič

• 0
• 0
• 1
• 1
• 0
• 0
• 6
• 0