Pra bieskarysnyja, a časam i škodnyja mietady kantracepcyi Talon.by pahavaryŭ ź lekaram akušeram-hiniekołaham sietki klinik žanočaha zdaroŭja Evaclinic Dzinaj Listapad.
Mietad pierapynienaha pałavoha akta (PPA)
Čamu nie pracuje? Niahledziačy na vialikuju šmatviakovuju papularnaść va ŭsim śviecie, hety mietad ličycca adnym z samych nienadziejnych — ciažarnaść nadychodzić davoli časta. Padčas usiaho pracesu pałavoha akta vydzialajecca nievialikaja kolkaść śpiermy, i hetaha moža być całkam dastatkova dla taho, kab začaćcie adbyłosia.
Kalandarny mietad kantracepcyi
Na čym jon zasnavany? Zaciažaryć možna tolki ŭ dni, blizkija da avulacyi. I kali žančyna maje idealna dakładny mienstrualny cykł, jana moža raźličyć tak zvanyja «biaśpiečnyja dni», zaciažaryć u jakija vierahodnaść nievialikaja.
Čamu nie pracuje? Na praciahu adnaho mienstrualnaha cykła avulacyja moža zrušvacca, i pradbačyć heta niemahčyma. Naprykład, falikuł moža raźvivacca daŭžej, čym zvyčajna, avulacyja pačniecca na niekalki dzion paźniej, i ciažarnaść nastupić jakraz u tyja dni, jakija žančyna ŭpeŭniena ličyć «biaśpiečnymi».
Mietad łaktacyjnaj amienarei
Na čym jon zasnavany? U žančyny, jakaja kormić, istotna pavialičvajecca vypracoŭka prałaktynu, jaki zahłušaje avulacyju.
Čamu nie pracuje? Dla taho, kab mietad łaktacyjnaj amienarei pracavaŭ, hrudnoje karmleńnie pavinna być poŭnym, heta značyć karmleńni pa patrabavańni dziciaci, načnyja karmleńni, poŭnaja adsutnaść dakormu i prykormu — u takoj situacyi ryzyka zaciažaryć sapraŭdy źnižajecca, ale usio roŭna isnuje. Akramia taho, vy nie zmožacie adsačyć toj momant, kali repraduktyŭnaja sistema pačnie adnaŭlacca paśla rodaŭ i nastupić pieršaja avulacyja.
Spryncavańni pochvy paśla pałavoha akta
Na čym jon zasnavany? Nibyta kisłotnaje asiarodździe akazvaje na śpiermatazoidy niespryjalnaje ŭździejańnie, u vyniku čaho jany hinuć. Mienavita z hetaj metaj niekatoryja žančyny zalivajuć u pochvu vocat. Z metaj «zabić» śpiermatazoidy prymianiajecca taksama marhancoŭka, mylny rastvor abo ŭ pochvu zakładvajuć dolki limona.
Čamu nie pracuje? Nijakaje spryncavańnie nijakimi vadkaściami nie zdolnaje «dahnać» śpiermatazoidy i vymyć ich z pochvy całkam.
Z usich pieraličanych mietadaŭ spryncavańnie — samy niedalnabačny, tak jak jano nie tolki bieskarysnaje ŭ płanie kantracepcyi, ale jašče i škodnaje dla zdaroŭja, bo moža pryvieści da chimičnaha paškodžańnia ślizistaj pochvy i parušyć jaje naturalnuju mikrafłoru. Bakteryi nie zmohuć zabiaśpiečvać vykanańnie barjernaj funkcyi, i arhanizm budzie nie abaronieny pierad infiekcyjami.
Časam žančyny pierastajuć zaścierahacca ŭ pieryjad pierad mienapaŭzaj, kali miesiačnyja ŭžo mohuć być nierehularnyja. Adnak zredku avulacyi ŭsio adno jašče zdarajucca, tamu ciažarnaść moža niespadziavana nastupić.
Takim čynam, kali ciažarnaść nie ŭvachodzić u vašy płany, rajciesia ź lekaram i vybirajcie pravilnuju kantracepcyju.
Ciapier čytajuć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach12
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary