Zakupilisia juaniami, a nie dalarami. I što ź imi stała praz hod?
Inviestycyjny ekśpierymient pravioŭ Onliner. Žurnalisty paličyli dalar zanadta prostym šlacham dla nazapašvańniaŭ, tamu z bankaŭskaha schovišča dla ich dastali juani i jašče piać valut. Prajšoŭ hod, padličyli straty i zdabytki.
Nabor dla inviestycyjnaha ekśpierymientu byŭ taki: jena, kanadski dalar, funt sterlinhaŭ, šviedskaja krona, šviejcarski frank, juań.
Zrazumieła, što kupla valut — heta chutčej nie pra množańnie kapitału (kali nie brać čas maštabnych finansavych kryzisaŭ, ale tady lohka i ŭsio stracić), a sproba zachavać nazapašvańni abo chacia b krychu ich pavialičyć.
Bolš za ŭsio nadziej było na juań, i za hod u kitajskaj valuty ŭ Biełarusi było niekalki cikavych navin: jana ŭvajšła ŭ košyk valut, a banki pačali prapanoŭvać juanievyja ŭkłady.
I voś ciapier sapraŭdy možna skazać, što treba było rabić na pačatku 2022-ha. Škada, što hetaja łohika nie pracuje na hod napierad.
Na momant padrychtoŭki materyjału takija byli najlepšyja kursy ŭ bankach.
Vychodzić, praz hod pachod u abmieńnik z hetymi valutami nie pryniasie vyhady. Ułasna, ryzyki, pra jakija viedali zahadzia, materyjalizavalisia.
Dastatkova prykmietny spred (roźnica pamiž kursam pakupki i prodažu) u niekatorych vypadkach pavialičyŭsia jašče bolš, banki nie zacikaŭlenyja kuplać hetuju valutu. Ale kali vy jedziecie za miažu i zmožacie raźličvacca tam funtami sterlinhaŭ abo šviedskimi kronami, heta budzie razumnym rucham hrošaj.
I bonus: žurnalisty pahladzieli, što adbyvałasia sa 100 dalarami, nabytymi pa kursie 2,585, i 100 jeŭra, jakija ŭ abmieńniku byli pa 2,934. Najlepšy kurs, pa jakim ciapier možna rasstacca z dalaram, — 2,6292 rubla, ź jeŭra — 2,8262 rubla.
Atrymlivajecca, što dalaravyja ŭkładańni mahli być apraŭdanymi (ale treba było vybrać momant i ŭtrymacca ad pakupki dalara za 4 rubli), a voś dla jeŭra hod byŭ vielmi niepradkazalnym.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos26
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5353
Kamientary