Pradstaŭnik ZŠA: Rasija choča zrabić toje ž, što z Ukrainaj, i ź Biełaruśsiu. Ale my suprać
ZŠA publična vykazalisia ŭ abaronu suvierenitetu i niezaležnaści Biełarusi i vykazali zaniepakojenaść staŭleńniem Rasii da jaje jak da svajoj terytoryi. Pra heta zajaviŭ pasoł ZŠA pry ABSIE Majkł Karpenter.
Karpenter adznačyŭ, što Rasija admaŭlaje ŭ suvierenitecie Ukrainie i padkreśliŭ, što takoje ž staŭleńnie ŭ Rasii i da Biełarusi.
«Choć my nie časta havorym pra heta tut, absalutna toje ž samaje jana sprabuje zrabić i ź Biełaruśsiu. Prezident Pucin jasna daŭ zrazumieć, što jon razhladaje abodva narody prosta jak rehijony, «jakija naležać» Rasii», — zajaviŭ pradstaŭnik ZŠA.
Karpenter nahadaŭ artykuł Uładzimira Pucina, u jakim toj «admaŭlaje, što hetyja nacyi majuć roznyja, adroznyja ad ruskaj, historyi, kultury, movy i identyčnaści».
«Heta taksama tłumačyć, čamu Maskva zajmajecca vyciaśnieńniem miascovych biełaruskich žurnalistaŭ i zamienaj ich na rasijskich prapahandystaŭ. Toj fakt, što režym Łukašenki supracoŭničaje z Rasijaj, nie mianiaje taho faktu, što Kreml dziejničaje padobnym čynam. U abiedźviuch krainach Rasija vykarystoŭvaje padobnyja instrumienty — choć časam i trochi roznyja — dla zaćviardžeńnia svajho panavańnia», — miarkuje Karpenter.
U toj ža čas ZŠA nie zhodnyja z takoj pazicyjaj Rasii, i nie tolki pa Ukrainie. Taksama jany padtrymlivajuć suvierenitet i niezaležnaść Biełarusi, «jakaja maje słaŭnuju historyju i ŭłasnuju bahatuju kulturu», — zajaviŭ Karpenter.
Kamientary