Namieśnik ministra ekanomiki patłumačyła pavyšeńnie padatkaŭ: «Amkadoru» składaniej zarabić, čym ipešniku
Namieśnica ministra ekanomiki Taćciana Brancevič u efiry ANT patłumačyła pavyšeńnie padatkaŭ dla indyvidualnych pradprymalnikaŭ vyraŭnoŭvańniem umoŭ dla bujnoha i drobnaha biznesu.
«Kankurentnaje asiarodździe pamiž jurydyčnymi asobami i indyvidualnymi pradprymalnikami parušana. Pavinny być adnolkavyja ŭmovy dla isnavańnia roznych subjektaŭ haspadarańnia», — skazała jana.
«Heta značyć, inšymi słovami, umoŭnamu «Amkadoru» składaniej zarabić 100 rubloŭ, čym indyvidualnamu pradprymalniku? Pravilna ja vas zrazumieŭ, u hetym arhumient?» — udakładniŭ viadučy.
«Viadoma, tak. Heta adzin z arhumientaŭ», — pahadziłasia čynoŭnica.
«Zaŭsiody ŭsio novaje ŭsprymajecca krytyčna. Mnohija voś dziakujuć za ličbavizacyju pracesaŭ, za płatformu, za mahčymaść administravać prafiesijny padatak u svaim telefonie. Tyja, chto nie hatovy, navat, viedajecie, pačytać novuju narmatyŭku, tyja, viadoma, niejak emacyjna vykazvalisia. I druhoje pytańnie voś, zapyt: my tam dzieści ŭ cieni niešta robim, a vy nas tut nie čapajcie. Pa sutnaści svajoj prapanavanyja na siońniašni dzień varyjanty vypłaty padatkovaj sistemy dazvalajuć: dobra, nie chočaš ty pracavać na prafpadatak, ty možaš zastacca indyvidualnym pradprymalnikam, tolki, kali łaska, pakažy svaju vyručku i pakažy svaje vydatki. Heta značyć, voś tvaja vyručka minus tvaje vydatki, z pakinutaj sumy zapłaci 20%. Cyvilizavana. Varyjatyŭnaść jašče adna jość. Nie možaš pakazać svaje vydatki — kali łaska, sa svajoj vyručki zdymaj 20% i z pakinutaj sumy płaci 20% padatak», — dadała jana.
Ciapier čytajuć
Anžaliku Mielnikavu bačyli ŭ Minsku ŭ «Dana Mole»30
Kamientary