Redaktarku homielskaj rajonki, viadomuju jak danosčycu, pryznačyli kiravać «začyščanym» radyjo
Homielskaje vydańnie «Fłahštok» paviedamlaje, što hałoŭnaja redaktarka homielskaj rajonki «Majak» Iryna Kanavałava siońnia była pryznačanaja na pasadu kiraŭnika homielskaha haradskoha radyjo 107.4 FM.
Hetaja žančyna — byłaja ideałahičnaja rabotnica, žonka milicyjanta. U apošnija hady jana adčuła siabie zdolnaj vyrašać ludskija losy, i joj heta spadabałasia: pa jaje danosach ludziej sudzili, sadžali ŭ kałonii i departavali ź Biełarusi. «Naša Niva» pra jaje «podźvihi» padrabiazna pisała paŭhoda tamu:
«Sała Ukrainie». Chto takaja Iryna Kanavałava — redaktarka rajonki, pa danosach jakoj piensijaniera pasadzili, a žančynu departujuć
«Fłahštok» taksama pieraličvaje hetyja i inšyja ŭčynki prapahandystki, adznačajučy, praŭda, što
«Kanavałava za čatyry hady pracy tak i nie zmahła znajści čytačoŭ dla svaich publikacyj. Palityčnuju prapahandu (taksama jak i rajonnyja naviny) na staronkach «Majaka» i jaho sacyjalnych sietak zvyčajna prahladaje ad 50 da 300 čytačoŭ».
Kanavałavu pryznačyli kiravać radyjo, na jakim pierad hetym praviali kadravyja čystki pa palityčnych matyvach. Zvalnieńni na KUP «Homielskaje haradskoje radyjo» pačalisia ŭ kastryčniku 2022 hoda. Radyjoviadučych abvinavacili ŭ padtrymcy pratestoŭcaŭ u 2020 hodzie, a taksama ŭ tym, što ŭ pazityŭnym klučy zhadali rasijskaha apazicyjnaha žurnalista Juryja Dudzia.
U Homieli zvolnili «za palityku» niekalkich supracoŭnikaŭ dziaržaŭnaha radyjo
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary