«Naniesła mnie emacyjnuju traŭmu i vyklikała depresiju». Mužčyna padaŭ u sud na siabroŭku z-za admovy stać jaho dziaŭčynaj
Taja vyklik pryniała i padała sustrečny pazoŭ za seksualnyja damahańni.
U Sinhapury mužčyna padaŭ isk na sumu 3 miljony dalaraŭ suprać svajoj siabroŭki, jakaja admoviłasia zavodzić ź im ramantyčnyja adnosiny. Pra heta napisała vydańnie The Straits Times.
Mužčyna pa proźviščy Kaŭšyhan paskardziŭsia, što jaho siabroŭka pa proźviščy Tan svajoj admovaj «pryčyniła jamu emacyjnuju traŭmu i vyklikała depresiju», i patrabavaŭ ad jaje materyjalnuju kampiensacyju pakutaŭ.
Taksama jon zajaviŭ, što kampiensacyja ŭ 3 miljony dalaraŭ za admovu pačynać ramantyčnyja adnosiny pavinna «pakryć škodu jaho zornaj reputacyi aktyŭnaha trejdara i paśpiachovaha hienieralnaha dyrektara», z-za jakoj jon «straciŭ mahčymaść zarablać hrošy, jak raniej, i byŭ zmušany źviarnucca da vysokakaštoŭnaj psichałahičnaj dapamohi».
Pavodle infarmacyi vydańnia, Kaŭšyhan i Tan pasiabravali jašče ŭ 2016 hodzie. Žančyna bačyła ŭ im «dobraha siabra», ale sam jon chacieŭ bolšaha.
Paśla atrymańnia admovy mužčyna spačatku tolki pryhraziŭ sudovym iskam za toje, što «jana bačyć u im tolki siabra» i paabiacaŭ nanieści surjoznuju škodu jaje asabistym i prafiesijnym intaresam, kali jana nie padpiša ź im «pahadnieńnie ab naviedvańni sumiesnych sieansaŭ palapšeńnia ŭzajemaadnosin».
Tan pahadziłasia na heta ŭ nadziei, što Kaŭšyhan z časam źmirycca ź niemahčymaściu stać jaje chłopcam. Ale mužčyna ŭvieś čas parušaŭ jaje asabistyja miežy, z-za čaho jana vyjšła z pahadnieńnia i padała sustrečny isk za seksualnyja damahańni.
Mužčyna ŭ adkaz vykanaŭ pahrozu, ale padaŭ jašče i druhi isk na sumu 22 tys. dalaraŭ u dadatak da pieršaha z-za parušeńnia pahadnieńnia ab palapšeńni ŭzajemaadnosin. Adnak sud adchiliŭ jaho z-za «złoŭžyvańnia sudovym pracesam i biespadstaŭnaści abvinavačvańnia» i hetak ža sama stavicca da pieršaha isku na 3 młn. dalaraŭ, jaki budzie razhledžany ŭ pačatku lutaha.
Čytajcie jašče:
«Pačaŭsia absalutny treš: ludzi stali zapampoŭvać biazhłuzdyja videa i dzikpiki». Hutarka sa stvaralnikam biełaruskaha dadatku dla znajomstvaŭ
Porna ŭ roznych krainach Jeŭropy: u čym adroźnieńnie
Daśledčyki vyjavili jašče adzin karysny efiekt ad «Vijahry»
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary