Hienprakuratura raskazała, kudy pisać, kab pakajacca pierad Łukašenkam
Učora stali viadomyja padrabiaznaści pracy kamisii dla tych, chto choča viarnucca na radzimu.
Jak paviedamlałasia, da razhladu buduć prymacca zvaroty hramadzian, jakija ździejśnili pravaparušeńni z 1 studzienia 2020 hoda.
Takim čynam, zvaroty možna budzie padavać da 31 śniežnia 2023 hoda ŭ piśmovaj (220030, h. Minsk, vuł. Internacyjanalnaja, 22) abo elektronnaj formie ([email protected]).
Jakaja infarmacyja pavinna być u zvarocie?
U zvarocie pavinna być adlustravanaja infarmacyja ab pryčynach, pa jakich čałaviek pakinuŭ terytoryju Biełarusi, abstavinach, u suviazi ź jakimi čałaviek miarkuje, što moža być pryciahnuty da administracyjnaj i (abo) kryminalnaj adkaznaści, žadańni viarnucca ŭ krainu i «hatoŭnaści paśla viartańnia vykonvać patrabavańni zakanadaŭstva, pavažać dziaržaŭnyja simvały i nacyjanalnyja tradycyi krainy».
Paviedamlajecca, što zvaroty buduć razhladacca kamisijaj ciaham dvuch miesiacaŭ. Adnak pry nieabchodnaści staršynia kamisii maje prava padoŭžyć hety termin da troch miesiacaŭ.
Pa vynikach razhladu zvarotaŭ na pasiadžeńni kamisii šlacham adkrytaha hałasavańnia prostaj bolšaściu hałasoŭ budzie pryniataje adno z čatyroch nastupnych rašeńniaŭ:
— čałavieku skažuć, što ŭ dačynieńni da jaho na datu zvarotu ŭ kamisiju niama pačataj administracyjnaj ci kryminalnaj spravy;
— paličać metazhodnym admianić abranuju ŭ dačynieńni da čałavieka mieru strymańnia abo zamianić jaje bolš miakkaj;
— spyniać kryminalnuju ci administracyjnuju spravu;
— paviedamiać hramadzianinu ab jaho pracesualnym stanie pa administracyjnaj ci kryminalnaj spravie.
Padkreślivajecca, što rašeńnie Kamisii źjaŭlajecca kančatkovym.
Adnak u vypadku nieviartańnia ŭ krainu ŭ trochmiesiačny termin z daty nakiravańnia jamu paviedamleńnia rašeńnie Kamisii stračvaje siłu, zaznačajuć u Hienprakuratury.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt5
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary