U Aŭstryi troch biełarusaŭ zatrymali za kradziež adzieńnia ŭ handlovym centry
U Aŭstryi zatrymali traich hramadzian Biełarusi za kradziež adzieńnia ŭ modnym mole. Incydent adbyŭsia ŭ aŭstryjskaj hramadzie Parndorf, što ŭ fiederalnaj ziamli Burhienłand, piša vydańnie MeinBezirk.at sa spasyłkaj na miascovuju palicyju.
Paviedamlajecca, što 4 lutaha supracoŭnik achovy modnaha moła Designer Outlet Parndorf zatrymaŭ 38-hadovaha biełarusa ŭ toj momant, kali toj sprabavaŭ ździejśnić kradziež.
Vyklikanaja achoŭnikam palicyja dastaviła zatrymanaha ŭ najbližejšy pastarunak, dzie nieŭzabavie vyśvietliłasia, što dziejničaŭ jon nie adzin, a z dvuma tavaryšami, taksama biełarusami.
Nieŭzabavie tyja dva biełarusy byli taksama zatrymanyja. Vyśvietliłasia, što jany ŭžo paśpieli ŭkraści adzieńnia bolš čym na tysiaču jeŭra.
Praŭda, paśla kansultacyj, praviedzienych z prakuraturaj, usich traich chutka vyzvalili, nie staŭšy ich utrymlivać pad vartaj.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma1
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary