Prakuratura paklikała biełarusaŭ kajacca. Ale praź śpiešku vydała adkaznaha za sajt supracoŭnika
U aŭtorak byŭ zarehistravany sajt, na jaki treba pisać listy achvotnym viarnucca z-za miažy.
Paśla stvareńnia kamisii «pa viartańni emihrantaŭ» Hienprakuratury spatrebiŭsia resurs, jaki budzie prymać zvaroty — byŭ zarehistravany damien pa adrasie komissia-dom.by.
Z sajtam nastolki śpiašalisia, što ŭ rejestry zarehistravanych danych zapisany asabisty numar adkaznaha za jaho supracoŭnika. Hetyja danyja lohka možna schavać, ale, vidać, pra heta zabylisia.
Adkaznaha supracoŭnika kličuć Siarhiej Śmirnoŭ. Jamu 37 hadoŭ, jon naradziŭsia ŭ Słuckim rajonie. Paśla pierajechaŭ u Minsk, skončyŭ fizičny fakultet Pieduniviersiteta i ŭładkavaŭsia ŭ sud Minskaha rajona. Tam jon byŭ kansultantam — na hetaj pasadzie zvyčajna zajmajucca roznaj papiarovaj pracaj (adkazami na zvaroty, uparadkavańniem dakumientaŭ i inšymi rečami takoha kštałtu).
U 2021 (abo 2022) hodzie Siarhiej uładkavaŭsia na pracu ŭ Hienieralnuju prakuraturu. Tam jon adkazvaje za techničnyja pytańni (jahony pracoŭny elektronny adras — [email protected]). Jon, imavierna, i zarehistravaŭ damien, na jaki možna słać zvaroty pra viartańnie.
Zaŭvažany ŭ palityčnych represijach jon nie byŭ, prynamsi, publična.
Admietna, što sajt ułasna prakuratury nie dastupny z-za miažy, tamu aznajomicca sa zvarotami da emihrantaŭ naŭprost niemahčyma.
«Naša Niva» — bastyjon biełaruščyny
PADTRYMAĆČytajcie jašče:
Prakuratura zajaviła pra pieršy zvarot u «kamisiju dla emihrantaŭ». A heta była redaktarka «Biełsata»
Milicejski telehram-kanał, dzie publikujuć videa z represavanymi, vypadkova vydaŭ svaich adminaŭ
Viarnułasia ŭ Biełaruś, pavieryŭšy abiacańniam siłavikoŭ — ciapier jaje buduć sudzić pa 12 kryminalnych artykułach
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień11
Kamientary