Ekanomika66

Łukašenka znoŭ pahražaje ŭłaśnikam handlovych sietak. Pryčynaj stała lehalnaja schiema aptymizacyi padatkaŭ u «Hipa» 

Łukašenka znoŭ pałochaje ŭłaśnikaŭ handlovych sietak, nazyvaje ich «hetak zvanymi ŭładalnikami» i patrabuje raskazać piersanału sietak pra zarobki top-mieniedžaraŭ. Pa infarmacyi «Našaj Nivy», hetym razam pieruny i bliskavicy vyklikała schiema, jakoj karystalisia ŭłaśniki «Hipa». 

«Kali my bačym nieabhruntavany rost cen i što skorabahaćki, učora jakija źjavilisia nieviadoma adkul, stvaryŭšy svaje sietki ŭ handli i hetak dalej, pačali nabivać kišeni, kali zarobak u šarahovych supracoŭnikaŭ kampanii 500 dołaraŭ, a ŭ ich u 46 ci 60 razoŭ bolš. […] Kamitet dziaržkantrolu i ŭrad, šturchanicie tak, kab jany vam nazvali ŭsie fakty, dzie ŭ 30—40 razoŭ «vialikija» dziejačy, kiraŭniki atrymlivajuć zarobak vyšejšy, čym zvyčajny pradaviec i inšyja. […] Da pradaŭcoŭ treba davieści: voś 800 abo tysiača rubloŭ vaš zarobak, a voś 50—60 tysiač zarobak u hetak zvanych uładalnikaŭ», — bušavaŭ siońnia na naradzie Alaksandr Łukašenka. 

Što stała pryčynaj? 

Jak raskazali «Našaj Nivie» pracaŭniki śfiery handlu, pryčynaj bury stała čarhovaja lehalnaja schiema aptymizacyi padatkaabkładańnia, jakoj karystajucca niekatoryja bienieficyjary biznesaŭ. 

Miarkujecca, što adzin z akcyjanieraŭ sietki «Hipa», jak i mnohija biełaruskija biznesoŭcy ciapier, nie pakazvajecca ŭ Biełarusi, žyvie za miažoj, ale aformleny jak rabotnik svajho ofisa i atrymlivaje zarobak. 

Nie jasna, što bolš raźjatryła Alaksandra Łukašenku ŭ hetym vypadku — fakt pražyvańnia za miažoj abo niepasredna sam pamier zarobku, jaki naŭrad ci možna nazvać kaśmičnym u paraŭnańni z dachodami prydvornych «biznesmienaŭ udačy» kštałtu Aleksina i Vierabja. 

Moža padacca, što vyvodzić hrošy praz dyvidendy bienieficyjaru vyhadniej, čym płacić sabie zarobak jak rabotniku — ź Biełarusi z kožnaj tysiačy rubloŭ zarobku płacicca kala 500 rubloŭ padatkaŭ, zboraŭ i adličeńniaŭ u Fond sacyjalnaj abarony nasielnictva (FSAN). Tady jak u vypadku kešaŭtu praz dyvidendy pryjdziecca płacić tolki 18% i 13%, što vychodzić mienš. 

Ale situacyja, kali 18+13 vyhadniej, čym 50, mianiajecca na vialikich ličbach. Isnuje norma, što kali zarobak čałavieka pieravyšaje płanku dziesiać siarednich zarobkaŭ pa krainie, to z sumy, jakaja zvyš, FSAN užo nie naličvajecca. Takim čynam, paśla 10 tysiač dołaraŭ schiema z pracaŭładkavańniem bienieficyjara rabotnikam stanovicca vyhadnaj.

Schiema adpaviadaje dziejnamu zakanadaŭstvu.

«Ja dumaju, što tut byŭ fakt vyvadu hetych hrošaj za miažu, što było vykarystana Łukašenkam dla papulizmu. Ale chaj by Łukašenka raskazaŭ pradaŭcam u «Tabakierkach», kolki zarablaje Aleksin», — aburajecca mieniedžar adnoj z praduktovych sietak, jakaja raniej užo traplała pad represii. 

Surazmoŭca «Našaj Nivy» nie vieryć, što dachody top-mieniedžaraŭ vialikich kampanij udasca abmiežavać. 

«Mienš nichto atrymlivać u lubym razie nie stanie — prosta buduć vypłaty ŭ kanviertach. Z druhoha boku, tut orhanam zaŭsiody rabota budzie — łavić. Tak i žyviom, u zahannym kole», — dadaŭ jon. 

Čytajcie taksama: Pahrom u sietcy «Susiedzi»: KDK zatrymaŭ amal usio kiraŭnictva

Čytajcie taksama: «Kampaniju my vyrazajem»: zatrymany ŭłaśnik kramaŭ «Hryn» i HC «Skała» Hienadź Kirejkaŭ

Kamientary6

  • gigi
    10.02.2023
    Nia 10 siarednich zarobkaŭ, a 5.
  • daviedka
    10.02.2023
    Topy "Hippo" davno upłatili mnohomillionnuju kompiensaciju, no Łukašienko vsio niejmiotsia s pierievodom striełok.
  • miechanik
    10.02.2023
    Nu sdiełajut oni siebie zarpłatu tysiaču dołłarov, dalšie čto? Riealnaja zarpłata vyrastiet? Cieny stanut adiekvatnymi kak Polšie i Litvie? Machrovyj populizm i pierievod striełok, koim on zanimajetsia vot užie trietij diesiatok. Političieskij i ekonomičieskij bankrot kak vsiehda pieriekładyvajet vinu na druhich i mieždu pročim razžihajet užie v kotoryj raz socialnuju vraždu, čto po UK RB do piati let. 

Ciapier čytajuć

Palicyja Dubaja: 20-hadovaja madel z Ukrainy ŭpała z vyšyni na budoŭli2

Palicyja Dubaja: 20-hadovaja madel z Ukrainy ŭpała z vyšyni na budoŭli

Usie naviny →
Usie naviny

Źjaviłasia spadarožnikavaje FOTA vynikaŭ ukrainskaj ataki na vajskovy aeradrom u rasijskim Enhielsie3

Ejdelman raskazała, jak rašyła zapisvać lekcyi pa historyi Biełarusi10

Sieryjał, jaki moža stać adkryćciom hoda. Raskazvajem pra «Pierachodny ŭzrost»15

Błohier zvaryŭ klanovy sirop pa-biełarusku i padzialiŭsia receptam

Achinieja pra ŠI12

50 tysiač dalaraŭ za kvitki: biełaruska nie moža trapić na lačeńnie ŭ Kitaj praz šalony ceńnik avijakampanii9

Stryminhavyja hihanty robiać staŭku na YouTube-zorak

Isłandskaja ministarka pa spravach dziaciej pajšła ŭ adstaŭku, bo naradziła ad niepaŭnaletniaha9

Hałoŭčanka nie bačyć prykmiet pierahrevu ekanomiki3

bolš čytanych navin
bolš łajkanych navin

Palicyja Dubaja: 20-hadovaja madel z Ukrainy ŭpała z vyšyni na budoŭli2

Palicyja Dubaja: 20-hadovaja madel z Ukrainy ŭpała z vyšyni na budoŭli

Hałoŭnaje
Usie naviny →

Zaŭvaha:

 

 

 

 

Zakryć Paviedamić