U Minsku zakryvaje ofis jašče adzin topavy raspracoŭščyk hulniaŭ
Mižnarodny raspracoŭščyk i vydaviec mabilnych hulniaŭ Playgendary likviduje ŭ Biełarusi kampaniju TAA «Plejdžendary Dieviełopmient». Infarmacyja pra heta źjaviłasia na sajcie adzinaha dziaržrehistru (ADR). Pa danych ADR, rašeńnie pryniataje 5 lutaha ŭłaśnikam, piša Dev.by.
Čutki pra mahčymaje zakryćcio minskaha ofisa Playgendary źjavilisia jašče letam minułaha hoda. Tady pa kampanii prajšła chvala zvalnieńniaŭ. Pryčym biez pracy apynulisia nie tolki supracoŭniki minskaha ofisa, ale i inšych łakacyj.
Sa słoŭ byłych supracoŭnikaŭ kampanii, jašče ŭ mai im paviedamili, što mohuć uźniknuć prablemy ź pieravodam hrošaj z-za miažy na zarobki. Kab hetaha paźbiehnuć, treba było zvolnicca z štatu ŭ Minsku i padpisać dystancyjna dahavor z kiprskim ofisam. Pa vyniku častku supracoŭnikaŭ, jakija padpisali takuju damovu, nibyta na praciahu karotkaha pieryjadu času zvolnili (nazyvałasia ličba — ad 150 da 200 čałaviek).
U kampanii nie admaŭlali, što byli zvalnieńni, ale zajavili, što adnačasova albo ŭ karotki pramiežak času adrazu 200 čałaviek nie zvalniali. Na pytańnie ab kiprskaj rakiroŭcy pradstaŭnik Playgendary tady koratka adkazaŭ: «Niama sensu pieravodzić na Kipr, a potym zvalniać».
Na dniach u Playgendary znoŭ prajšli zvalnieńni, paviedamiŭ dev.by adzin z čytačoŭ. Jon śćviardžaje, što takoje rašeńnie kampanii było niečakanym dla supracoŭnikaŭ. Inšyja padrabiaznaści raskazać admoviŭsia.
U Biełarusi ŭ kastryčniku 2021 hoda ŭ Playgendary pracavała kala 120 čałaviek. Da leta 2022 hoda, jak śćviardžali byłyja supracoŭniki, štat skaraciŭsia da 40 čałaviek
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio44
Kamientary