Pradukcyju z padsankcyjnaha «Hrodna Azota» vieźli ŭ Sierbiju. Padrabiaznaści akcyi «Rabočaha ruchu»
Aktyvisty «Rabočaha ruchu» pieraškodzili vyvieźci ŭ Jeŭrasajuz pradukcyju «Hrodna Azota», jaki znachodzicca pad sankcyjami. Mašyny ź joj jany spynili ŭ Litvie.
Biełarusy-palitemihranty błakavali dźvie fury na vyjeździe z pahranpierachoda Pryvałka — Rajharad. Mašyny byli zahružanyja karbamidam.
Aktyvisty śćviardžajuć, što pra vyvaz ź Biełarusi praź litoŭskuju miažu na terytoryju Jeŭrapiejskaha sajuza pradukcyi «Hrodna Azota» aktyvistam paviedamili pracaŭniki pradpryjemstva.
«Pradpryjemstva znachodzicca pad sankcyjami za toje, što vialikaja kolkaść pracaŭnikoŭ z-za zabastoŭki była zvolnienaja, a niekatoryja ź ich znachodziacca pad śledstvam. Nieŭzabavie budzie vyniesieny prysud u spravie «Rabočaha ruchu». Pracaŭniki pieražyvajuć za ich», — kaža adzin z udzielnikaŭ akcyi błakavańnia mašyn Alaksandr Sakałoŭ.
Aktyvisty «Rabočaha ruchu» la pamiežnaha punkta čakali fury dva dni, a kali jany źjavilisia, to vyjšli na darohu z płakatami. Mašyny byli ź sierbskimi numarami.
«Kiroŭcy nie viedali, što «Hrodna Azot» znachodzicca pad sankcyjami. Ich uraziła infarmacyja pra kolkaść palitviaźniaŭ u Biełarusi i represii suprać rabočych. Raskazali, dzie zahružali mašynu, i nie piarečyli našym patrabavańniam», — adznačaje Alaksandr.
Pa jaho słovach, pradukcyja «Hrodna Azota» mieła być dastaŭlenaja ŭ Sierbiju.
Pieršaj na miesca błakavańnia mašyn pryjechała palicyja, jakaja zajaviła, što raźbiralnictva ŭ takoj spravie nie ŭ jaje kampietencyi dy vyklikała supracoŭnikaŭ z mytni i pahraničnaj słužby.
«Pretenzijaŭ da nas nie było, bo našy dziejańni byli abhruntavanyja, bo my nie dapuskali na terytoryju Jeŭrapiejskaha sajuza pradukcyju z padsankcyjnaha pradpryjemstva», — raskazvaje Alaksandr.
Jon kaža, što litoŭski bok paabiacaŭ infarmavać «Rabočy ruch», što dalej budzie z zatrymanym tavaram. Mašyny ź im viernutyja na mytniu, dzie buduć čakać vynikaŭ rasśledavańnia.
«Hrodna Azot» — najbujniejšaje pradpryjemstva naftachimičnaha kompleksu Biełarusi. Jano ŭvachodzić u dziaržaŭny kancern «Biełnaftachim». Pad sancyi ZŠA i ES pradpryjemstva trapiła ŭ 2021 hodzie za pieraśled i zvalnieńni ŭdzielnikaŭ zabastovak paśla vybaraŭ.
«Naša Niva» — bastyjon biełaruščyny
PADTRYMAĆPradstaŭniki «Rabočaha ruchu» zabłakavali dźvie fury z pradukcyjaj «Hrodna Azota» na miažy Biełarusi i Litvy
Čamu moh padvisnuć pakiet sankcyj suprać Biełarusi?
Vyskočił na chodu iz vahona i słomał nohu, pytajaś iźbiežať zadieržanija. Istorija sotrudnika «Naftana», kotoroho sudiat za «iźmienu hosudarstvu»
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary