Naftahazavyja dachody Rasii ŭ studzieni ŭpali amal na 40% u paraŭnańni z davajennym časam
Ahienctva Reuters sa spasyłkaj na danyja Mižnarodnaha enierhietyčnaha ahienctva paviedamiła, što ŭ studzieni 2023 hoda dachody Rasii ad ekspartu nafty i hazu źnizilisia na 38 pracentaŭ u paraŭnańni sa studzieniem 2022 hoda.

U studzieni hetaha hoda Maskva, pavodle źviestak MEA, atrymała ad naftahazavaha ekspartu 18,5 miljarda dalaraŭ, u studzieni minułaha hoda — kala 30 miljardaŭ.
Vykanaŭčy dyrektar MEA Facich Birol zajaviŭ, što zachodnija sankcyi ŭ dačynieńni da rasijskich enierhanośbitaŭ dasiahnuli svajoj mety — stabilizavali rynki i skaracili dachody Maskvy.
«My čakajem, što źnižeńnie dachodaŭ [Rasii] ad nafty i hazu budzie bolš rezkim u najbližejšyja miesiacy. I jašče bolš rezkim u siarednieterminovaj pierśpiektyvie z-za adsutnaści dostupu da technałohij i inviestycyj», — skazaŭ Birol.
Raniej Minfin Rasii paviedamiŭ, što ŭ studzieni 2023 hoda deficyt rasijskaha biudžetu vyras u 14 razoŭ u paraŭnańni sa studzieniem minułaha hoda i skłaŭ 1,8 tryljona rubloŭ.
-
Pa bazie Bundeśviera ŭ Iardanii nanieśli rakietny ŭdar, paciarpiełych niama
-
Litva nie była hatovaja da adkryćcia tajvańskaha pradstaŭnictva, jano stała pamyłkaj — śpikier Siejma
-
Piać iranskich futbalistak atrymali aŭstralijskija vizy — u Iranie ich nazvali «zdradnicami» za admovu śpiavać himn pierad matčam
Kamientary