Pra heta paviedamiŭ pradstaŭnik Antoniu Huteryša, adkazvajučy na pytańnie infarmacyjnaha ahienctva dpa.
Hienieralny sakratar AAN prybyŭ u stalicu Ukrainy nočču. Padčas svajho treciaha vizitu va Ukrainu z pačatku vajny 73-hadovy Huteryš sustreniecca z Uładzimiram Zialenskim dla pieramoŭ ab padaŭžeńni zbožžavaj ździełki.
Kantrakt na ekspart ukrainskaha zbožža praz kantralavanaje Rasijaj Čornaje mora zakančvajecca 18 sakavika, i AAN nastojvaje na čarhovym jaho padaŭžeńni.
ŚMI paviedamlali, što Ukraina pačała anłajn-pieramovy z partniorami ab padaŭžeńni Čarnamorskaj zbožžavaj inicyjatyvy, nakiravanaj na toje, kab Kijeŭ moh praciahvać pastaŭki zbožža na suśvietnyja rynki.
Inicyjatyva była zasnavanaja pry pasiarednictvie Arhanizacyi Abjadnanych Nacyj i Turcyi ŭ lipieni minułaha hoda, a ŭ listapadzie jana była praciahnutaja. Jaje termin dziejańnia zakančvajecca 18 sakavika, kali nie budzie dasiahnuta damoŭlenaści ab pradaŭžeńni.
Ministr zamiežnych spraŭ Turcyi Mieŭlut Čavušahłu zajaviŭ u niadzielu, što Ankara prykładaje ŭsie namahańni dla padaŭžeńnia dziejańnia «zbožžavaj ździełki».
Rasija zajaviła, što pahodzicca na pradaŭžeńnie Čarnamorskaha zbožžavaha pahadnieńnia tolki ŭ tym vypadku, kali buduć uličany intaresy jaje ŭłasnych sielhasvytvorcaŭ.
Ciapier čytajuć
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda16
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary