Hramadstva1212

Volha Čamadanava ab pratestach 2020 hoda: Vydatna razumieła, za što i dziela kaho zmahałasia

Siońniašniaja kiraŭnica Hałoŭnaha ŭpraŭleńnia ideałahičnaj raboty i pa spravach moładzi Minharvykankama Volha Čamadanava na momant žnivieńskich pratestaŭ 2020 hoda była pres-sakratarkaj MUS Biełarusi i časta źjaŭlałasia ŭ ŚMI. U hutarcy z «Minsk-Navinami» jana raspaviała, jak usprymała tyja padziei. 

Volha Čamadanava. Fota: «Minsk-Naviny»

Aŭtar «Minsk-Navinaŭ» spytaŭ u Volhi Čamadanavaj, ci adčuvała jana honar, kali ŭ časy pratestaŭ stała vielmi paznavalnaj.

«U toj čas ja ni pra što takoje nie razvažała. Było, mabyć, pačućcio ździŭleńnia, kali dzieści praz hod paśla zakančeńnia taho elektaralnaha pieryjadu ja šmat jeździła pa rehijonach. A tam padychodzili zusim nieznajomyja ludzi i vielmi emacyjna dziakavali. Adna žančyna, pamiataju, skazała: «Viedajecie, my ž tady kožny dzień uklučali televizar i čakali, što vy skažacie».

I ciapier paŭtaru: u mianie nie ŭźnikała nijakich sumnievaŭ u pravilnaści taho, što ja rablu i što kažu. Vydatna razumieła, za što i dziela kaho zmahałasia».

Taksama ŭ hutarcy Volha Čamadanava rastłumačyła, čamu nie stała nastaŭnicaj biełaruskaj movy i litaratury, na jakuju vučyłasia.

«Ja vydatna pamiataju svoj pieršy ŭrok u Licei BDU padčas prachodžańnia piedahahičnaj praktyki. Heta byli ŭžo darosłyja chłopcy i dziaŭčaty, matyvavanaja aŭdytoryja, vielmi cikavaja, darečy. I byccam usio było dobra. Ale paśla zakančeńnia ŭroka ja zrazumieła, što čakała čahości bolšaha. Razumiejecie, lubaja sprava, za jakuju biarešsia, pavinna vyklikać emocyi. Dla žančyny heta vielmi važna, dy i nie tolki dla jaje. Naprykład, znakamity saviecki teatralny režysior Anatol Efras repieciravaŭ svaje śpiektakli, pakul jany nie ŭźlatali. Źjaŭlajusia maksimalistkaj, čahości padobnaha čakała i ja ad taho ŭroka. Tak, mahčyma, nie adrazu, ale jašče na fiłfaku ja zrazumieła, što budu zajmacca čymści inšym», — rastłumačyła Čamadanava.

Volha Čamadanava ŭ časie paślavybarčych represij stała ruparam prapahandy siłavikoŭ.

Mienavita pry Čamadanavaj u telehram-kanałach siłavych struktur (a ich było stvorana dosyć šmat) stali źjaŭlacca videa «pryznańniaŭ» i «raskajvańniaŭ». Taksama pry joj dziaržaŭnyja žurnalisty pravodzili ledź nie dopyty zatrymanych na akcyjach pratestu. 

Možna hadać, što takoj infarmacyjnaj rabocie Čamadanava navučyłasia ad rasijskich śpiecyjalistaŭ, jakija arhanizoŭvali treninhi dla pres-sakrataroŭ siłavych viedamstvaŭ Biełarusi.

Zapomniłasia Čamadanava i jašče niekalkimi rečami. U dzień śmierci Alaksandra Tarajkoŭskaha telehram-kanał MUS apublikavaŭ infarmacyju, što jon nibyta zahinuŭ, bo sprabavaŭ kinuć u śpiecnazaŭcaŭ vybuchoŭku, jakaja razarvałasia ŭ jaho rukach. 

Ale chutka źjaviłasia videa momantu śmierci Tarajkoŭskaha, na jakim było bačna, što ŭ jahonaj ruce nie było nijakaj vybuchoŭki. Rodzičy paśla taksama abvierhli hetu infarmacyju ad MUS.

Kali praŭda vypłyła, novaja infarmacyja nie toje što nie była ahučana — nie była vypraŭlena ci vydalena i staraja. Nijakich prabačeńniaŭ ministerstva ŭnutranych spraŭ nie pryniesła. 

Kamientary12

  • Złobnyj vožyk
    12.03.2023
    Vzhlad drieśsirovannoj sobački.
  • Alek. Ru
    12.03.2023
    A moža, jana pazašlubnaja dačka samaabvieščanaha? )))))Užo vielmi šmat ahulnaha ú chłuśni I ú jakaści jaje padačy. Usia takaja narodnaja I ú atačeńni prostych ludziej. I movu taksama nie lubić, a prosta adsiedzieła čas, zajmajučy čyjeści bolš hodnoho, miesca va úniviersitecie.
  • hnida
    12.03.2023
    Ola, mnie tak tiebia nie chvatajet. Ty začiem rasčiesku pomieniała?

Ciapier čytajuć

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu12

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu

Usie naviny →
Usie naviny

Rasijski čynoŭnik uciok z-pad kanvoju ŭ sudzie i schavaŭsia ŭ konsulstvie Armienii. Historyja skončyłasia trahična3

Cichanoŭskaja sustrakałasia z Kiełaham u Ńju-Jorku6

Snoop Dogg zhadziŭsia pravieści kancert u Rasii5

Rekłamny banier z Alaksandram Hlebam paviesili na tym skryžavańni ŭ Minsku, dzie jon staŭ udzielnikam śmiarotnaj avaryi12

Naŭrocki ŭ AAN nazvaŭ situacyju z pravami čałavieka ŭ Biełarusi pryjarytetam Polščy5

Pryznańnie paleścinskaj dziaržavy: ZŠA zastajucca adzinaj siłaj, čyj hołas budzie mieć vyrašalnaje značeńnie15

«Rejv na zavodzie». Zumiery padymajuć prodažy biełaruskich pradpryjemstvaŭ, zdymajučy virusny kantent14

Zialenski nazvaŭ umovu vyłučeńnia Trampa na Nobieleŭskuju premiju3

Na Minskim mory jachtu vahoj 18 ton vykinuła na plaž1

bolš čytanych navin
bolš łajkanych navin

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu12

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu

Hałoŭnaje
Usie naviny →

Zaŭvaha:

 

 

 

 

Zakryć Paviedamić