U Hrodnie hramiać fanataŭ chakiejnaha «Niomana», choć raniej ich nibyta abiacali nie čapać
Vydańnie Most paviedamlaje, što ŭ Hrodnie ŭžo niekalki dzion idzie faktyčny razhrom fanackaha siektara miascovaha chakiejnaha kłuba «Nioman». Mnohich zatrymlivali, kala dziasiatka, a moža i bolej ludziej ciapier za kratami.
Lidara fanackaha ruchu chakiejnaha kłuba «Nioman» z Hrodna Siarhieja Jemialjanava zatrymali, kali jon vychodziŭ z domu. Inšych fanataŭ uziali na pracoŭnych miescach, na vulicy i navat ułasna na chakiei, kali «Nioman» pravodziŭ pieršy chatni matč płej-of čempijanatu Biełarusi suprać Navapołackaha «Chimika».
Pavodle adnaho z surazmoŭcaŭ vydańnia, blizkaha da fanackaha siektara «Niomana», represii suprać chakiejnych fanataŭ iduć u Hrodnie z 9 sakavika.
Zatrymali vielmi mnohich, ale kahości paśla adpuskali, a chtości dahetul zatrymany. Va ŭsich praviarali telefony i niešta šukali. Da hetaha času nibyta zastajucca ŭ źniavoleńni kala dziasiatka fanataŭ «Niomana».
Fanaty chakiejnaha «Niomana» spynili bajkot matčaŭ čempijanatu Biełarusi ŭ kastryčniku 2022 hoda i viarnulisia na fanacki siektar paśla dvuchhadovaha pierapynku.
Pavodle infarmacyi Most, viartańnie aktyŭnaha fan-siektara było sumiesnym rašeńniem fanataŭ i kiraŭnictva «Niomana».
Baki pajšli adzin adnamu nasustrač i adna z umoŭ fanataŭ była źviazanaja ź milicyjaj, jany prasili nie čapać aktyŭny fan-siektar. Ale damova ź siłavikami pratrymałasia tolki kala piaci miesiacaŭ.
Darečy, fanaty futbolnaha «Niomana» tak i nie viarnulisia na siektar, jany bajkatujuć matčy kamandy z 1 krasavika 2020 hoda.
Ciapier čytajuć
Dziela finału čempijanatu śvietu minskaje mietro pracavała da 1:00. A matč skončyŭsia paźniej2
Dziela finału čempijanatu śvietu minskaje mietro pracavała da 1:00. A matč skončyŭsia paźniej
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1818
Kamientary