«Jeŭraopt» pradaje tavary z IKEA. «Adkul jany — naša ŭnutranaja infarmacyja»
«Jeŭraopt» staŭ pradavać tavary viadomaj šviedskaj marki.
Posud ad IKEA pabačyli ŭ adnoj z kram biełaruskaj handlovaj sietki.
Tavary ad šviedskaha brenda jość u internet-katałohu «Je-dastaŭki»: tam ciapier 20 tavaraŭ, paznačanych jak pradukcyja IKEA.
Zbolšaha heta kuchonnyja pradmiety. Naprykład, ikiejeŭskuju tarku kitajskaj vytvorčaści možna zamović za 14,40 rubla, humavuju formačku dla ldu — za 10,61, a nabor dziciačaha posudu z čatyroch pradmietaŭ — za 28,45 rubla.
Akramia tavaraŭ dla kuchni, «Je-dastaŭka» prapanuje ikiejeŭskija dziciačyja harški, viešałki, kresły i navat matracy pa 149,99 rubla za štuku. Kali vieryć katałohu, hetyja matracy vyrablenyja ŭ Rasii (ale letaś IKEA syšła z rasijskaha rynku, a čatyry zavody hetaj kampanii ŭ Rasii byli pradadzienyja).
Žurnalistka «Našaj Nivy» jak pakupnica pazvaniła ŭ kantakt-centr «Je-dastaŭki» i spytała, što za pradukcyju pradajuć pad šviedskim brendam. Tam paćvierdzili, što heta nasamreč tavary IKEA, ale admovilisia tłumačyć, jak jany trapili ŭ Biełaruś — maŭlaŭ, heta ŭnutranaja infarmacyja, pastaŭščyki voziać.
U minułym hodzie šviedski brend IKEA abviaściŭ pra sychod ź biełaruskaha i rasijskaha rynkaŭ.
U Biełarusi kram IKEA nie było, ale tavary zavozili asobnyja pradprymalniki. Razam z tym, była vytvorčaść IKEA — pradpryjemstvy ŭ Mahilovie, Barysavie i Viciebsku, jakija ŭvachodzili ŭ kancern VMG Group.
«Naša Niva» — bastyjon biełaruščyny
PADTRYMAĆIKEA prypyniaje pracu ŭ Rasii i Biełarusi
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary