Ekśpiert vykazaŭ mierkavańnie, dla čaho rasijskija «Rusłany» prylatali ŭ Homiel
Z 25 sakavika ŭ Homiel siem razoŭ prylataŭ samalot AN-24. Jakija hruzy jon dastaŭlaŭ?
Vajskovy ekśpiert Aleh Ždanaŭ u svaim videastrymie vykazaŭ mierkavańnie, što samalotami AN-24 na terytoryju Biełarusi zavoziacca zienitna-rakietnyja ŭstanoŭki S-400.
Viadoma, što ŭ mai 2022 hoda Biełaruś vykazała namier nabyć takija kompleksy. U kancy studzienia hetaha hoda Ministerstva abarony Biełarusi zajaviła, što kraina pastaviła na bajavoje dziažurstva pieradadzienyja Rasijaj zienitnyja rakietnyja kompleksy S-400 i «Iskander».
Z druhoha boku, adznačaje ekśpiert, hetyja pastaŭki mohuć być źviazanyja z uzmacnieńniem Rasijaj sistemy supraćpavietranaj abarony (SPA) pierad raźmiaščeńniem na terytoryi Biełarusi jadziernaj zbroi.
Takim čynam pašyrajecca supolnaja sistema SPA Sajuznaj dziaržavy.
Ždanaŭ zaŭvažaje, što mohuć pierakidvacca jak puskavyja ŭstanoŭki, tak i rakiety da ich.
Aleh Ždanaŭ zaŭvažyŭ, što rakiety, vypuščanyja z terytoryi Kurskaj vobłaści, dalacieli da Kijeva. Pra heta śviedčyć adzin z abstrełaŭ horada. Ź Biełarusi adlehłaść jašče mienšaja.
Patencyjna rasijskija ŭstanoŭki S-300 i S-400 u Biełarusi mohuć vykarystoŭvacca dla abstrełu ŭkrainskaj terytoryi.
Pry hetym jon akcentuje ŭvahu na tym, što «takich rakiet u Rasii šmat. Jany składajuć pahrozu dla ŭkrainskaha boku, bo adsutničajuć srodki dla likvidacyi» rakiet takoha rodu.
Čytajcie jašče:
Ekśpiert vykazaŭ mierkavańnie, dla čaho Rasija raskansiervuje tanki T-55
«Kryk adčaju». Ukrainski ekśpiert pra raźmiaščeńnie rasijskaj jadziernaj zbroi ŭ Biełarusi
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary