Tvitar Maska panižaje rejtynh luboj publikacyi pra vajnu va Ukrainie
Iłan Mask nazyvaŭ siabie «absalutystam svabody słova». Pry hetam vyjaviłasia, što Twitter stroha daŭnhrejdziŭ lubyja temy, jakija tyčacca vajny va Ukrainie, źnižajučy rejtynh padobnych publikacyj anałahična jak publikacyj z prapahandaj hvałtu i nianaviści.
Padrabiaznuju infarmacyju pra zychodny kod apublikavaŭ Aakaš Hupta, mieniedžar pa praduktach, jaki pracavaŭ u bujnych technałahičnych kampanijach, uklučajučy Google i Epic Games. Mask apublikavaŭ kod u kancy minułaha tydnia, ale tolki paśla taho, jak niekatoryja častki kodavaj bazy pratačylisia ŭ internet.
Analiz, praviedzieny Huptaj i inšymi karystalnikami, pakazvaje, što ŭvieś kantent u raździele «nie ŭzmacniać» (do not amplify), atrymlivaje «vielizarnaje panižeńnie» ŭ rejtynhu publikacyj. Takim čynam lubaja tema sa śpisu akazvajecca rasplusnutaj u rejtynhach i patrabuje «vielizarnych kontrdokazaŭ, kab vyžyć».
6. Misinformation is highly down-ranked
Anything that is categorized as misinformation gets the rug pulled out from under it.
Surprisingly, so are posts about Ukraine. pic.twitter.com/MgLUOmDbSZ
Pierš čym apublikavać kod, Mask napisaŭ, što navat jaho ŭłasnaja kamanda nie da kanca razumieje ałharytmy Twitter i što «ludzi vyjaviać šmat duraściaŭ, ale my budziem vypraŭlać prablemy, jak tolki jany buduć znojdzienyja». Tym nie mienš, radok koda, naceleny na što zaŭhodna adnosna vajny va Ukrainie, vielmi śpiecyfičny ŭ paraŭnańni z katehoryjami «vysokaja taksičnaść», «hvałt», «uviadzieńnie ŭ zman» abo «nianaviść».
Vydańnie Gizmodo chacieła źviarnucca da Twitter pa kamientaryj, ale Mask zrabiŭ tak, kab miedyja-akaŭnt Twitter aŭtamatyčna adkazvaŭ tolki adnoj emodzi — «kakaškaj».
Niezrazumieła, kali hetaja fiča była dadadzienaja. Mažliva, samym łahičnym tłumačeńniem panižeńnia značeńnia navin Ukrainy była b baraćba z prarasijskimi botami i akaŭntami, źviazanymi z Rasijaj, što raspaŭsiudžvajuć dezynfarmacyju pra vajnu. Tak, NBC News jašče ŭ 2018 hodzie apublikavaŭ bazu danych z 200 000 tvitaŭ, źviazanych z prarasijskimi akaŭntami (chacia bolšaść ź ich była zabanienaja da pačatku poŭnamaštabnaha ŭvarvańnia rasijan va Ukrainu). Ale ž dahetul isnuje šerah aficyjnych rasijskich akaŭntaŭ, jakija aktyŭna raspaŭsiudžvajuć niepraŭdzivyja źviestki pra vajennuju ahresiju Rasii.
Spadar Hupta napisaŭ, što, pa słovach nienazvanaha inžyniera Twitter, taja častka koda, što pratačyłasia ŭ internet, składaje tolki 20% faktyčnaha koda Twitter. Tamu ciažka pravieści realnyja testy, kab ubačyć, jak budzie pracavać paviedamleńnie pra Ukrainu, naprykład, na fiktyŭnaj viersii sajta.
Mask rehularna dzialiŭsia svaimi «aściarohami» nakont taho, što vajna va Ukrainie moža pieratvarycca ŭ «Treciuju suśvietnuju vajnu». Uładalniku Twitter pryjšłosia apraŭdvacca nakont taho, čamu jon sprabavaŭ abmiežavać dostup vajskoŭcaŭ da kamiercyjnych terminałaŭ Starlink praz svaju kampaniju SpaceX paśla taho, jak pastaviŭ Ukrainie abstalavańnie i daŭ dostup da spadarožnikavaj sietki (dziakujučy značnaj finansavaj padtrymcy ŭrada ZŠA).
U kastryčniku minułaha hoda, niezadoŭha da taho, jak uznačalić Twitter, Mask apublikavaŭ apytańnie z prapanovami, jak mahčyma dasiahnuć «miru pamiž Ukrainaj i Rasijaj». Prapanovy hetyja ŭklučali surjoznyja sastupki na karyść Rasii: u pryvatnaści, Krym zastajecca častkaj Rasii, a Ukraina vymušanaja zastavacca «niejtralnaj», heta značyć, faktyčna biezabaronnaj pierad Rasijaj. Za tvit Maska žorstka raskrytykavali jak zachodnija, tak i ŭkrainskija karystalniki. Jan Bremier, zasnavalnik kansałtynhavaj kampanii pa palityčnych ryzykach Eurasia Group, śćviardžaŭ, što Mask napisaŭ hety tvit paśla razmovy z Pucinym, ale Mask, kaniešnie, abvierh hetuju zajavu.
Ukraine-Russia Peace:
- Redo elections of annexed regions under UN supervision. Russia leaves if that is will of the people.
- Crimea formally part of Russia, as it has been since 1783 (until Khrushchev's mistake).
- Water supply to Crimea assured.
- Ukraine remains neutral.
Apytańnie Maska z «prapanovami» dasiahnieńnia miru va Ukrainie
Kamientary