Prezident Rasii Uładzimir Pucin asabista ŭchvaliŭ aryšt žurnalista Wall Street Journal Evana Hierškoviča, jakoha rasijskija ŭłady abvinavačvajuć u špijanažy, paviedamlaje Bloomberg sa spasyłkaj na krynicy, znajomyja ź situacyjaj.
«Adabreńnie hetaha kroku rasijskim prezidentam adlustroŭvaje rost upłyvu kramloŭskich prychilnikaŭ žorstkaj linii, jakija nastojvajuć na pahłybleńni kanfrantacyi z Vašynhtonam, uvažajučy jaje za niezvarotnuju, skazali hetyja ludzi na ŭmovach ananimnaści», — piša ahienctva.
Zatrymańnie i nastupny aryšt reparciora ŭ Jekaciarynburhu kancy sakavika vyklikali rezkuju krytyku z boku ZŠA i ich sajuźnikaŭ, a taksama žurnalisckaj supolnaści. Aficyjnyja asoby ŭ Rasii zajaŭlali, što dziejańni Hierškoviča nie mieli ničoha ahulnaha z žurnalistykaj, a zatrymany jon byŭ nibyta na miescy złačynstva.
Pa miery taho, jak vajna va Ukrainie zaciahvajecca, Kreml usio čaściej sprabuje pakazać jaje jak ekzistencyjalnuju baraćbu suprać NATA, jakoje imkniecca źniščyć Rasiju.
Takija kroki, jak ordar na aryšt Pucina, vydadzieny Mižnarodnym kryminalnym sudom, tolki ŭzmacnili adčuvańnie rasijskaha kiraŭnictva, što ŭ kanflikcie, jaki, jak čakajuć u Kramli, budzie doŭžycca hadami, adstupać niama kudy, adznačaje Bloomberg.
Žurnalista WSJ Evana Hierškoviča aryštavali na dva miesiacy za «špijanaž suprać RF»
-
«Armienija — heta ŭžo nie abrabavanaja vami i vašymi partniorami kraina». Pašynian rašuča adkazaŭ Łukašenku
-
U pravasłaŭnaj parafii na poŭdni Polščy carkoŭnaja ŭračystaść pieratvaryłasia va ŭsłaŭleńnie Rasii. Z pratestam vystupili lemki
-
Tramp zajaviŭ, što ź Iranam jaho zadavolić tolki «idealnaja ździełka». A prosta dobruju jon moh by zaklučyć prosta zaraz
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary