U efiry dziaržaŭnaha telekanała Juryj Vaskrasienski zajaviŭ, što nibyta ŭ paniadziełak adbuducca pieramovy ab abmienie palitviaźnia Andreja Pačobuta na palityka z apazicyi Paŭła Łatušku. Hetyja zajavy nie majuć nijakaj suviazi z realnaściu, zajaviła «Našaj Nivie» krynica ŭ dypłamatyčnym korpusie.
«Heta pierachodzić užo ŭsiakija ramki, — skazaŭ «Našaj Nivie» jeŭrapiejski dypłamat, jakoha my paprasili pra kamientaryj i jaki zachacieŭ zastacca nienazvanym. — Heta nie maje nijakaj suviazi z rečaisnaściu. Ën viarzie łuchtu».
Juryj Vaskrasienski byŭ pryznačany łukašenkaŭcami ŭ jakaści kantaktnaj asoby dla jeŭrapiejskich dypłamataŭ, jakija dabivalisia vyzvaleńnia palitviaźniaŭ. Vaskrasienski moh być daŭnim ahientam łukašenkaŭskich śpiecsłužbaŭ, zasłanym u vybarčy štab Viktara Babaryki. Paśla Vaskrasienskaha na niejki čas źmiaścili, imavierna, u toj ža roli ŭ SIZA, kab pasprabavać zrabić ź jaho postać «apazicyjaniera, jaki raskajaŭsia». Padčas pryjezdu Łukašenki ŭ SIZA Vaskrasienskaha «vypadkova» pasadzili pa pravuju ruku ad jaho.
U roli «dazvolenaha apazicyjaniera» Vaskrasienski fihuruje ŭ dziaržaŭnych ŚMI i navat na «Usiebiełaruskim narodnym schodzie». Zachodnija dypłamaty byli śviadomyja, z kim majuć spravu, ale, vyhladaje, vymušanyja vieści ź im spravy, davać jamu šenhienskija vizy, kab mieć šancy vyciahnuć z-za krataŭ choć niekaha.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary