«Vielmi škada, što prezident nie prysłuchaŭsia da Cichanoŭskaj». Ministr zamiežnych spraŭ Litvy raskrytykavaŭ Naŭsiedu za vietavańnie zakona
Ministr zamiežnych spravaŭ Litvy Habryelus Łandśbierhis vystupiŭ z publičnaj krytykaj rašeńnia prezidenta Litvy Hitanasa Naŭsiedy nakłaści vieta na niadaŭna pryniaty Siejmam zakon, jaki praduhledžvaŭ dla biełaruskich hramadzian abmiežavańni, ale bolš miakkija, čym na rasijskich.
Łandśbierhis tak prakamientavaŭ rašeńnie Naŭsiedy litoŭskamu ahienctvu Etaplius:
«Vielmi škada, što prezident nie prysłuchaŭsia jak da zakliku demakratyčnaj lidarki Biełarusi Śviatłany Cichanoŭskaj, tak i da naležna ŭzvažanaj pazicyi Siejmu Litvy. Chaču vieryć, što Siejm zastaniecca pry svajoj pazicyi».
Paśla vieta prezidenta Siejm musić pierahladzieć zakonaprajekt — moža jak unieści źmieny, tak i pieraadoleć vieta prezidenta, kali za jaho prahałasujuć 71 abo bolš deputataŭ sa 141.
Daradca Śviatłany Cichanoŭskaj pa pravavych pytańniach Kryścina Rychter siońnia zajaviła, što Ofis Cichanoŭskaj akurat budzie pracavać u hetym kirunku:
«Varta kamunikavać z deputatami Siejma i pierakonvać ich prahałasavać za miakki varyjant zakonaprajekta. My pracujem z deputatami Siejma i tłumačym, što ŭviadzieńnie bolš žorstkich abmiežavańniaŭ u dačynieńni da biełarusaŭ nieprymalnaje», — zajaviła Kryścina Rychter.
Sama Cichanoŭskaja taksama vystupiła z admysłovaj zajavaj, dzie skazała:
«Ja pierakananaja, što nielha stavić u adzin šerah biełarusaŭ i pamahatych režymu, i nielha karać biełarusaŭ za dziejańni režymu…
Biezumoŭna, my vielmi cenim usiu padtrymku, jakuju Litva akazvała i praciahvaje akazvać u našaj baraćbie za demakratyčnuju jeŭrapiejskuju budučyniu Biełarusi. I my raźličvajem na ŭzvažanaje rašeńnie litoŭskaha kiraŭnictva i litoŭskaha parłamienta, kab praciahvać umacoŭvać suviazi pamiž našymi narodami, a nie budavać pamiž imi mury».
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary
što da mianie, to ja ad naradžeńnia, što nazyvajecca, biełaja varona
a ciapier adkažycie za siabie - vy bolšaść?