«Вельмі шкада, што прэзідэнт не прыслухаўся да Ціханоўскай». Міністр замежных спраў Літвы раскрытыкаваў Наўседу за ветаванне закона
Міністр замежных справаў Літвы Габрыэлюс Ландсбергіс выступіў з публічнай крытыкай рашэння прэзідэнта Літвы Гітанаса Наўседы накласці вета на нядаўна прыняты Сеймам закон, які прадугледжваў для беларускіх грамадзян абмежаванні, але больш мяккія, чым на расійскіх.
Ландсбергіс так пракаментаваў рашэнне Наўседы літоўскаму агенцтву Etaplius:
«Вельмі шкада, што прэзідэнт не прыслухаўся як да закліку дэмакратычнай лідаркі Беларусі Святланы Ціханоўскай, так і да належна ўзважанай пазіцыі Сейму Літвы. Хачу верыць, што Сейм застанецца пры сваёй пазіцыі».
Пасля вета прэзідэнта Сейм мусіць пераглядзець законапраект — можа як унесці змены, так і пераадолець вета прэзідэнта, калі за яго прагаласуюць 71 або больш дэпутатаў са 141.
Дарадца Святланы Ціханоўскай па прававых пытаннях Крысціна Рыхтэр сёння заявіла, што Офіс Ціханоўскай акурат будзе працаваць у гэтым кірунку:
«Варта камунікаваць з дэпутатамі Сейма і пераконваць іх прагаласаваць за мяккі варыянт законапраекта. Мы працуем з дэпутатамі Сейма і тлумачым, што ўвядзенне больш жорсткіх абмежаванняў у дачыненні да беларусаў непрымальнае», — заявіла Крысціна Рыхтэр.
Сама Ціханоўская таксама выступіла з адмысловай заявай, дзе сказала:
«Я перакананая, што нельга ставіць у адзін шэраг беларусаў і памагатых рэжыму, і нельга караць беларусаў за дзеянні рэжыму…
Безумоўна, мы вельмі цэнім усю падтрымку, якую Літва аказвала і працягвае аказваць у нашай барацьбе за дэмакратычную еўрапейскую будучыню Беларусі. І мы разлічваем на ўзважанае рашэнне літоўскага кіраўніцтва і літоўскага парламента, каб працягваць умацоўваць сувязі паміж нашымі народамі, а не будаваць паміж імі муры».
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію6
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі55
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі5
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары
што да мяне, то я ад нараджэння, што называецца, белая варона
а цяпер адкажыце за сябе - вы большасць?