«Biełaruś maje adzin z najhoršych prahnozaŭ ekanomiki na nastupnyja piać hadoŭ» — Aleś Alachnovič paśla forumu Suśvietnaha banka i MVF
Daradca Śviatłany Cichanoŭskaj pa ekanamičnych reformach Aleś Alachnovič raskazaŭ pra štohadovyja «viasnovyja narady» Suśvietnaha banka i Mižnarodnaha valutnaha fondu ŭ Vašynhtonie, u jakich jon udzielničaŭ jak pradstaŭnik Cichanoŭskaj i Asacyjacyi biełaruskaha biznesu za miažoj (AVVA).
Forum sabraŭ ministraŭ finansaŭ, kiraŭnikoŭ nacyjanalnych bankaŭ, bujnych finansavych kampanij. Hetyja narady — unikalnaja placoŭka dla vypracoŭki ekanamičnaj palityki.
Alachnovič raspavioŭ, što ministry najbujniejšych ekanomik śvietu čarhovy raz paabiacali padtrymku Ukrainie. Ahułam za apošni čas Ukrainie paabiacali dapamohu na 115 młrd dalaraŭ na najbližejšyja čatyry hady, to-bok nie tolki na vajnu, ale i na adbudovu krainy.
Alachnovič ličyć heta śviedčańniem taho, što i Biełaruś nie zastaniecca biez padtrymki, kali stanie demakratyčnaj.
Pakul ža Biełaruś, pavodle prahnozaŭ MVF na najbližejšyja piać hadoŭ, maje sumnyja pierśpiektyvy ŭ śviecie — jana zajmaje čaćviorty vynik siarod najhoršych prahnozaŭ.
Biełaruś užo mieła stračanaje dziesiacihodździe, havoryć Alachnovič, — 2011—2019 hady, jašče da pačatku vajny, da sankcyj i pratestaŭ 2020 hoda. Užo tady Biełaruś raźvivałasia bolš pavolna, čym na 1 % štohod.
Ciapier MVF prahnazuje, što z 2020 pa 2028 hod, to-bok za 9 hadoŭ, biełaruskaja ekanomika vyraście mienš jak na 2 %.
«Heta pakazvaje, što pry Łukašenku Biełaruś nie maje budučyni», — kaža Alachnovič.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary