Šlach da siabroŭstva Ukrainy ŭ NATA budzie abmiarkoŭvacca na samicie aljansu ŭ lipieni — Stołtenbierh
Budučynia Ukrainy lažyć u NATA, zajaviŭ hienieralny sakratar aljansu Jens Stołtenbierh, jaki ŭpieršyniu prybyŭ va Ukrainu ź vizitam.
«Zakonnaje miesca Ukrainy — u jeŭraatłantyčnaj siamji. Zakonnaje miesca Ukrainy — u NATA. I z časam naša padtrymka dapamoža vam zrabić heta mahčymym», — zajaviŭ jon padčas sumiesnaj pres-kanfierencyi z prezidentam Ukrainy Uładzimiram Zialenskim.
Jon dadaŭ, što šlach da siabroŭstva NATA dla Ukrainy budzie abmiarkoŭvacca na samicie ŭ lipieni ŭ Vilni, kudy zaprošany ŭkrainski lidar.
Zialenski ŭ svaim vystupie zaklikaŭ da najchutčejšaha ŭstupleńnia Ukrainy ŭ NATA:«Ciapier, kali bolšaść ludziej u krainach NATA i bolšaść ukraincaŭ padtrymlivajuć ustupleńnie našaj krainy ŭ aljans, pryjšoŭ čas pryniać adpaviednuju pastanovu».
Jon taksama paprasiŭ Stołtenbierha dapamahčy Kijevu «pieraadoleć niežadańnie» niekatorych dziaržaŭ-členaŭ davać Kijevu niekatoryja vidy ŭzbrajeńniaŭ, a mienavita «sučasnaj avijacyi, artyleryi, braniatechniki».
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary