Nuncyj Ante Jozič nieŭzabavie paśviacić novy kaścioł u Novaj Baravoj
20 maja ŭ staličnym mikrarajonie Novaja Baravaja adbudziecca paśviačeńnie novapabudavanaha kaścioła śviatoha Franciška, a taksama ałtara śviatyni. Uznačalić celebracyju Apostalski nuncyj u Respublicy Biełaruś arcybiskup Ante Jozič, paviedamlaje Catholic.by.
Uźviadzieńnie śviatyni ŭ parafii śviatoha Franciška ŭ Novaj Baravoj — staličnym mikrarajonie, što ŭźnik u vakolicach daŭniaj vioski Kopišča, dzie niasuć słužeńnie mienšyja braty kapucyny, raspačałosia ŭ 2014 hodzie, kali byŭ zakładzieny pieršy kutni kamień śviatyni.
4 kastryčnika 2020 hoda nad novazbudavanym kaściołam uźnialisia kryžy, jakija błahasłaviŭ biskup Juryj Kasabucki, a pad novy, 2023 hod, u śviatyni byŭ ustalavany novy arhan.
Uračystaść paśviačeńnia kaścioła i ałtara budzie supravadžacca śviatočnaj prahramaj na praciahu cełaha dnia. Napačatku adbudziecca kancert dziciačych kalektyvaŭ, paźniej — hała-kancert z udziełam parafijalnaha choru Transitus, arhanista Juryja Habrusia, a taksama muzyčnaha narodnaha ansambla «Roskvit» i Dziaržaŭnaha kamiernaha choru Respubliki Biełaruś.
Zavieršycca śviatočny dzień kancertam dla moładzi z udziełam maładych talentaŭ, hurta prasłaŭleńnia Verbum Dei i hurta tradycyjnaj biełaruskaj muzyki PAWA.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ6
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1313
Kamientary