Mierkavańni104104

«Pa ŭsich abjektyŭnych pakazčykach litoŭcy najbližejšy da biełarusaŭ narod. A pa subjektyŭnych — nul uzajemaadnosin». Cimafiej Akudovič — pra adnu vialikuju tajamnicu

Historyk i krajaznaŭca Cimafiej Akudovič zadaŭsia u fejsbuku pytańniem, kolki ž stahodździaŭ biełarusy i litoŭcy «razam» i jak tak stałasia, što dva narody, jakija stvaryli niekali najbujniejšuju dziaržavu Jeŭropy, ciapier žyvuć nie nadta zaŭvažajučy adno adnaho.

Hladzieŭ fotarepartaž z akcyi biełarusaŭ u suviazi ź litoŭskimi zakanadaŭčymi hulniami i voka začapiłasia za płakat «Biełaruś i Litva — 700 hod razam».

Nie pieršy raz baču hetuju ličbu: u minułym hodzie Uładzimir Ceśler rabiŭ płakat z padobnym mesedžam (jon na vyjavie).

U mianie da hetaj ličby vialikija pytańni. Pa-pieršaje, kali ja pravilna razumieju łohiku aŭtara idei, usio ž nie 700, a 800. 800 hod tamu było ŭtvoranaje VKŁ, jakoje vielmi sproščana možna nazyvać sajuzam litoŭcaŭ i biełarusaŭ.

Ale ładna z hetaj pamyłkaj. Samaja vialikaja prablema jakraz sa spraščeńniem. Čamu pačatak hetaha «razam» adnosiać mienavita da stvareńnia VKŁ?

Tut vielmi važny momant. VKŁ nie dała pačatak niejkamu sajuzu. Chutčej, naadvarot:

VKŁ utvaryłasia, bo na našaj ziamli ciaham stahodździaŭ napracoŭvalisia kantakty pamiž Litvoj i Ruśsiu. Tamu razam my nie 700, a jak minimum 1000 hod. A chutčej za ŭsio, i bolš.

Dalej pytańni da słova «razam». Kali my kažam «razam», to nibyta majem na ŭvazie, što ŭ XIII stahodździ ŭžo byli jany (litoŭcy) i my (ruś), a heta značycca, što my ŭ minułym dakładna i vyklučna ruś.

Ale ž heta nie tak. My nie tolki ruś. I ja nie biaru tut litvinskija teoryi pra słavianstva Litvy. Na pieryjad XIII stahodździa dobraja čverć sučasnaj Biełarusi jašče zasielenaja čyściutkimi niezamutnionymi bałtami. I ŭsie jany ŭ nastupnyja stahodździ pierastajuć być čyściutkimi bałtami nie tamu, što źjechali kudyści, a tamu što słavianizavalisia.

Toje što, Smarhoń, Vilejka i Vałožyn — heta čužoje dla nas u XIII stahodździ? A ŭsia Połaččyna ŭ XI taksama čužaja? Toje ž samaje, tolki sa svajho boku, mohuć spytać i litoŭcy, darečy.

Vychodzić, što i słova «razam», pry ŭsioj zručnaści, nie pasuje. Bo Biełaruś i jość krychu Litva, krychu Ruś. Tamu, kali my kažam, što my razam ź Litvoj, jak Ruś, to ŭsie musiać razumieć, što my takoje ž možam skazać Rusi (Ukrainie), što my razam z Ruśsiu… jak Litva. Niaprosta ŭsio)

Ale i hetaja prablema nie samaja aktualnaja. Za słovam «razam» dla mianie chavajecca adna ź vialikich tajamnic našaj historyi i sučasnaści.

Litva i Ruś razam pabudavali adnu z bujniejšych dziaržaŭ Jeŭropy ad mora da mora, i, navat, kali hety prajekt złamaŭsia, da 1991 hoda žyli pobač u adnoj dziaržavie, chaj i nie svajoj. Heta 1000 hod nabiahaje!

Vychodzić, litoŭcy, pa ŭsich abjektyŭnych pakazčykach, najbližejšy dla biełarusaŭ narod. Najbližejšy, bo za hety čas u nas pavinien byŭ nazapasicca nievierahodny płast kulturnych uzajemaadnosin.

Ale heta pa abjektyŭnych markierach, bo pa subjektyŭnych — u nas nul uzajemaadnosin. Jak u sučasnaści, tak i ŭ histaryčnaj płoskaści — ni dyjalektaŭ, ni aniekdotaŭ, ni zastajałych mifaŭ adzin pra adnaho.

Tut možna šmat pisać, ale voś maleńki, jarki prykład, jaki mnie padajecca darečnym: u apošnim intervju «Žyćcio — Malina» Zianon Stanisłavavič vielmi biezapielacyjna skazaŭ, što Vilnia naša ŭ samym pramym sensie hetaha słova.

Kali b Paźniak skazaŭ niešta takoje pra Biełastok ci Vałyń, to ŭsia ciapierašniaja biełaruskaja supolnaść za miažoj atrymała b prablem ź liškam. I nie ad uładaŭ, a ad hramady.

A voś zajavy pra Vilniu prajšli dosyć niezaŭvažna. Tut, kaniešnie, možna vykazać mierkavańnie, što hetaje intervju pahladzieŭ vypadkova litoŭski prezident i vyrašyŭ prajavić charaktar svaim vieta. Ale pa kamientaryjach pad videa bačna, što litoŭcy da jaho nie duža dajšli.

Karaciej, my adno adnoha nie bačym. Dva narody, jakija skałacili niekali najbujniejšuju dziaržavu Jeŭropy i žyvuć popleč 1000 hod, žyvuć ciapier nie zaŭvažajučy adno adnoha.

Heta niejkaja vialikaja tajamnica dla mianie. I jaje karani chavajucca dzieści ŭ minułym. Nam z hetym «razam» jašče pracavać i pracavać.

Kamientary104

  • chamsa
    23.04.2023
    Žvira na vas niama

    darečy
    a dzie jon?
  • antiśviet
    23.04.2023
    "i jak tak stałasia, što dva narody, jakija stvaryli niekali najbujniejšuju dziaržavu Jeŭropy"

    chvilinačku... jakija dva narody?
    letuvisy tut nijakim bokam
  • vaskresieńnie chamsy
    23.04.2023
    "u minułym hodzie Uładzimir Ceśler rabiŭ płakat z padobnym mesedžam (jon na vyjavie)."

    ja ŭžo kazała... zvyš pavažała Ceślera. ale, jak tolki jon źjechaŭ, jon pomier, jak mastak. jaho pracy realna stali słabyja

    nu što heta?
    letuviski Vicis zusim nie roŭnia našaj Pahonie

    uvohule ŭ letuvisaŭ musić być miadźviedź

Ciapier čytajuć

U Asipovičach imkliva razbudoŭvajuć infrastrukturu. Imavierna, dla rasijskaj jadziernaj zbroi2

U Asipovičach imkliva razbudoŭvajuć infrastrukturu. Imavierna, dla rasijskaj jadziernaj zbroi

Usie naviny →
Usie naviny

Volha Niafiodava pryznała, što Kupałaŭski teatr dahetul nie zmoh adnavicca5

USU vyzvalili siało na Łuhanščynie. Apieracyja tryvała 30 hadzin2

«Pa adčuvańniach, chvarejuć usie»: piedyjatr pra situacyju z hrypam u Biełarusi2

Na terytoryi Bresckaj krepaści źjaviłasia futbolnaje pole FOTAFAKT

«Za łajki suprać Rasii». Šmatdzietnaja ŭkrainka chacieła pierajechać u Biełaruś, ale jaje nie ŭpuścili paśla ahladu telefona15

Si-En-En nazvała Łukašenku strongman. «Puł pieršaha» nie viedaje značeńnia hetaha słova pa-anhlijsku i radasna pierapościŭ23

U Varšavie prajšoŭ marš u honar Dnia Voli FOTA37

Vasileŭskaja pachvaliłasia, što ŭ «Biełavii» źjaŭlajucca novyja rejsy, bo ź joj na arbicie byŭ płastykavy samalocik5

Mytniki raskazali, jak uvozić u krainu nasieńnie i kvietki

bolš čytanych navin
bolš łajkanych navin

U Asipovičach imkliva razbudoŭvajuć infrastrukturu. Imavierna, dla rasijskaj jadziernaj zbroi2

U Asipovičach imkliva razbudoŭvajuć infrastrukturu. Imavierna, dla rasijskaj jadziernaj zbroi

Hałoŭnaje
Usie naviny →

Zaŭvaha:

 

 

 

 

Zakryć Paviedamić