Aralny seks staŭ samym častym faktaram raźvićcia raku horła — daśledavańnie
Zhodna ź niadaŭniaj miedycynskaj spravazdačaj, vypadki raku ratahłotki za apošni čas vyraśli nastolki mocna, što niekatoryja śpiecyjalisty nazyvajuć heta sapraŭdnaj epidemijaj. Mužčyny, jakija praktykujuć kunilinhus i časta mianiajuć partniorak, — asnoŭnaja hrupa ryzyki.
Navukovaje vydańnie The Conversation 25 krasavika apublikavała daśledavańnie, u jakim adznačajecca rezki rost zachvorvańnia na rak horła siarod žycharoŭ ZŠA i Vialikabrytanii. Pakazčyki rostu za apošnija dziesiacihodździ ctali nastolki vysokimi, što niekatoryja śpiecyjalisty nazyvajuć heta sapraŭdnaj epidemijaj.
Havorka idzie pra asablivy typ raku — rak ratahłotki, jaki paražaje mindaliny i zadnija ścienki horła. Dadzieny typ raku ŭ asnoŭnym vyklikajecca virusam papiłomy čałavieka (VPČ), jaki zdolny pieradavacca tolki pałavym šlacham.
Pry hetym u daśledavańni adznačajecca, što rak ratahłotki čaściej za ŭsio raźvivajecca mienavita ŭ tych, chto praktykuje aralny seks sa šmatlikimi partniorami.
«Asnoŭnym faktaram raźvićcia raku ratahłotki źjaŭlajecca kolkaść pałavych partnioraŭ na praciahu žyćcia, jakija praktykujuć aralny seks. U tych, chto maje šeść i bolš takich partnioraŭ, imaviernaść raźvićcia raka ratahłotki ŭ 8,5 razoŭ vyšejšaja, čym u tych, chto ŭvohule nie zajmajecca aralnym seksam», — piša navukovaje vydańnie The Conversation.
Niahledziačy na toje, što VPČ paśla traplańnia ŭ čałaviečy arhanizm z časam zvyčajna vykaraniajecca samastojna, u niekatorych ludziej z-za słaboha imunitetu virus zastajecca, i pry hetym moža pieradavacca inšym ludziam i vyklikać rak.
Vakcyny ad VPČ isnujuć, ale mała chto imi pryščaplajecca.
Statystyka pakazvaje, što mužčyny, jakija praktykujuć kunilinhus i časta mianiajuć partniorak, — asnoŭnaja hrupa ryzyki.
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu24
Kamientary
krychu adpuściła
chaj addychaje pakul Ryša