Pa trasie Minsk — Hrodna (M6) biehała maładaja ryś — aharodža ź sietki nie davała joj trapić u les. Pra heta partału «AŭtaHrodna» raskazaŭ kiroŭca, jaki spyniŭsia i nie tolki źniaŭ žyviołu na fota i videa, ale hałoŭnaje dapamoh joj viarnucca ŭ biaśpiečnaje miesca.
Historyja z ryśsiu skončyłasia dobra. Ale na hetaj darozie štohod u vyniku DTZ z žyviołami hinuć ludzi i žyvioły. U asnoŭnym heta kapytnyja, ale traplajuć pad koły navat aściarožnyja vaŭki, piša partał «Dzikaja pryroda pobač».
M6 — samaja niebiaśpiečnaja ŭ Biełarusi trasa ŭ płanie avaryj, źviazanych ź dzikimi žyviołami. Daroha z praktyčna dazvolenaj chutkaściu 129 km/h na praciahu 27 km idzie praz Nalibockuju pušču. Kab trapić z adnoj častki lesu ŭ druhi, źviaram treba pierajści darohu. Kab źviary nie vychodzili na šašu, jaje paabapał adharadzili ad lesu sietkaj. Jana pavinna nakiroŭvać źviaroŭ u pierachody. Ale niekalkich štučnych pierachodaŭ pad šašoj i pad mastami jaŭna niedastatkova. Efiekt atrymaŭsia advarotny! Paśla pabudovy trasy, płotu i pierachodaŭ kolkaść DTZ ź dzikimi žyviołami ŭzrasła prykładna ŭdvaja.
Źvier, kali natykajecca na sietku, idzie ŭzdoŭž jaje i zvyčajna nachodzić razryŭ tam, dzie da trasy prymykaje druharadnaja daroha. Ale nasuprać, na druhim baku trasy, niama takoha ž razryvu, kab trapić u les! I źvier zabyvaje, adkul pryjšoŭ, i pačynaje biehać tudy-siudy, pakul nie trapić pad koły aŭto.
Chutčej za ŭsio, situacyju dapamahli b vypravić śpiecyjalna zroblenyja razryvy ŭ aharodžy nasuprać druharadnych daroh ź inšaha boku. Tady źviary mahli b chutka pierajści trasu i nie stvarać avaryjnych situacyj na šašy. Čamu nie pasprabavać realizavać hetuju ideju chacia b ekśpierymientalna?
Čytać taksama:
Ranicaj praz most cieraz Dniapro ŭ Mahilovie pryhoža prabiehli try łasi VIDEA
Paviartalisia z vyraju vialikija arlacy. Ale nie va ŭsich hetych redkich u nas ptušak usio dobra
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu18
Kamientary