Supracoŭnikaŭ dziaržustanoŭ prymušajuć admaŭlacca ad karty palaka. Pry admovie pahražajuć zvalnieńniem
Dniami sakratar Kancylaryi prezidenta Polščy Andžej Dera zajaviŭ, što najhoršaja situacyja dla palakaŭ zamiežža ciapier skłałasia ŭ Biełarusi. U Lidskim rajonie niasoładka prychodzicca i ŭładalnikam karty palaka.
Prychodziać sa śpisam
Jak paviedamlajuć krynicy, va ŭstanovach adukacyi Lidy cisnuć na ŭładalnikaŭ karty palaka.
«Nieviadoma, adkul jany ich biaruć, ale da kiraŭnictva prychodziać śpisy, u jakich paznačana, što čałaviek maje taki dakumient. Tych, chto jość u śpisie, vyklikajuć na razmovu, padčas jakoj cisnuć na čałavieka, kab toj napisaŭ admovu i zdaŭ dakumient», — kaža surazmoviec.
Haradžanin śćviardžaje, što tym, chto nie pahadžajecca admovicca ad karty, pahražajuć zvalnieńniem.
«Kali ŭ čałavieka chutka zakančvajecca kantrakt, to jaho papiaredžvajuć, što, nie admoviŭšysia ad karty palaka, na jaho praciah možna navat nie raźličvać. Kali da kanca kantrakta jašče daloka, to pužajuć mahčymym zvalnieńniem. U niekatorych vypadkach cisnuć tym, što supracoŭnik z kartaj palaka kali i zastaniecca pracavać, to moža navat nie maryć pra pavyšeńnie pa karjernaj leśvicy».
«Čałaviek z kartaj palaka faktyčna nie moža raźličvać na pavyšeńnie»
Inšy surazmoviec ź Lidy kaža, što ciapier pierad tym, jak kaho-niebudź pavysić, kandydata maksimalna hłyboka praviarajuć na łajalnaść režymu.
«Čałaviek z kartaj palaka faktyčna nie moža raźličvać na pavyšeńnie i zajmać niejkuju navat nie samuju vysokuju kirujučuju pasadu ŭ dziaržaŭnych ustanovach.
Jość vypadki, kali čałaviek užo adnoj nahoj byŭ na inšaj pasadzie, ale ŭ vyniku pahłyblenaj pravierki vyśviatlałasia, što ŭ jaho jość karta palaka. Paralelna z hetym na dziaržpradpryjemstvach i ŭstanovach nie spyniajucca represii ŭ dačynieńni da niełajalnych režymu».
Pa słovach surazmoŭca, u horadzie viadomyja vypadki, kali ludzi nie zmahli pajści na pavyšeńnie tolki praz toje, što pakidali svaje podpisy za vyłučeńnie alternatyŭnych kandydataŭ u prezidenty.
Kolki ŭ Biełarusi žyvie palakaŭ?
Pa danych pierapisu nasielnictva 2019 hoda, sa 135 298 žycharoŭ Lidskaha rajona palaki składajuć 32,4%. Kali brać u cełym pa krainie, to dola palakaŭ — 3,1% nasielnictva, abo bolš za 287 tysiač čałaviek. Kala 2/3 ź ich pražyvaje na terytoryi Hrodzienskaj vobłaści. Dola palakaŭ u vobłaści składaje 21,5 adsotka nasielnictva. U Voranaŭskim rajonie palaki pa nacyjanalnaści składajuć bolšaść nasielnictva.
Pačynajučy z 2008 hoda konsuły ŭ Biełarusi vydali bolš za 160 tysiač kart palaka.
«Naša Niva» — bastyjon biełaruščyny
PADTRYMAĆČytajcie taksama:
U Biełarusi pačali źbirać źviestki ab tych, chto maje dazvoły na žycharstva i karty palaka?
«U Biełarusi dla palakaŭ ciapier najhoršaje stanovišča ŭ śviecie» — Kancylaryja prezidenta Polščy
U «Hrodnaenierha» spuścili śviežy śpis na zvalnieńnie, a ŭ niekatorych dziaržarhanizacyjach źbirajuć źviestki pra karty palaka i VNŽ u supracoŭnikaŭ
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary