Ciraspal paprasiŭ Rasiju pavialičyć kolkaść miratvorcaŭ «z-za paharšeńnia ryzyk biaśpieki» ŭ rehijonie. Pra heta ŭ intervju «RIA Naviny» paviedamiŭ kiraŭnik pradstaŭnictva Prydniastroŭja ŭ Rasii Leanid Manakoŭ, adznačyŭšy, što kolkaść miratvorcaŭ možna pavialičyć taksama za košt rasijan, jakija pražyvajuć u prydniastroŭskim rehijonie, paviedamlaje Newsmaker.md.
Jak adznačyŭ Manakoŭ, ciapier u zonie biaśpieki znachodziacca nie bolš za 450 čałaviek. «Pry hetym ich štatnaja kolkaść, ustanoŭlenaja dakumientami kamisii, roŭnaja 3100 čałaviek. Takaja opcyja jość [pavieličeńnia kolkaści miratvorcaŭ], i jana apraŭdanaja z punktu hledžańnia paharšeńnia ryzyk biaśpieki, u tym liku terarystyčnaj pahrozy, i pry hetym jurydyčna abhruntavanaja dakumientami, pryniatymi ŭ ramkach dziejnaści Abjadnanaj kantrolnaj kamisii (AKK)», — skazaŭ pradstaŭnik Ciraspala.
Raniej u rasijskich ŚMI źjaviłasia infarmacyja pra toje, što ŭkrainskija vojski «płanujuć pravakacyi ŭ Prydniastroŭi dla adciahnieńnia rasijskich vojskaŭ».
Sustaršynia AKK ad Prydniastroŭja Aleh Bielakoŭ, kamientujučy čutki ab pravakacyjach, zajaviŭ, što «pakul takich źviestak u ramkach sumiesnych miratvorčych sił u ich niama». Kiraŭnik źniešniepalityčnaha viedamstva Ciraspala Vital Ihnaćjeŭ skazaŭ u efiry rasijskaha telebačańnia, što pakul situacyja ŭ zonie biaśpieki «adnosna stabilnaja».
U svaju čarhu, ministr zamiežnych spraŭ Ukrainy Dźmitryj Kuleba daŭ zrazumieć, što Ukraina nie źbirajecca rabić jakija-niebudź dziejańni suprać Prydniastroŭja, choć rehijon i ŭjaŭlaje ryzyku dla krainy. Jak skazaŭ ukrainski ministr, Prydniastroŭje ŭjaŭlaje pahrozu dla Ukrainy, i «heta zmušaje nas trymać siły na hetym učastku miažy dla patencyjnaha strymlivańnia i kantrolu za situacyjaj». Adnak Kijeŭ pavažaje suvierenitet Małdovy i pastanovy ab reintehracyi Prydniastroŭja, padkreśliŭ Kuleba.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary