Kino22

BlackBerry: kranalnaja drama-bajopik pra ŭźlot i padzieńnie madeli smartfona, papularnaj u 2000-ja

Film kanadskaha režysiora Meta Džonsana pakazvaje niaprostaje ŭzajemadziejańnie žorstkaj mašyny kapitalizmu i «hikaŭskaha» śvietu ajcišnikaŭ, napoŭnienaha humaram i ciahaj da vynachodnictvaŭ, — uzajemadziejańnia, u vyniku jakoha byŭ zapuščany ŭ prodaž pieršy smartfon, maksimalna nabližany da sučasnaha.

Actors of BlackBerry Film
Akciory filma BlackBerry, u tym liku Džej Barušel i Met Džonsan. Fota: IFC Films

Viek technahij — karotki. Jašče krychu bolš za dziesiać hadoŭ tamu ab partatyŭnaj pryładzie BlackBerry maryŭ kožny amierykanski padletak, a biznesmieny vykarystoŭvali hetyja telefony jak simvał statusu. Siońnia ŭžo nichto nie ŭspomnić, jak tyja telefony vyhladali.

Film pieranosić hledača ŭ 1996 hod, kali Majk Łazarydzis (Džej Barušel) i Duh Frehin (Met Džonsan), najlepšyja siabry i suzasnavalniki nievialikaj technałahičnaj kampanii pad nazvaj Research in Motion, sprabujuć pradać pradukt — revalucyjnuju kambinacyju mabilnaha telefona, elektronnaj pošty i pejdžara. Heta dziejecca ŭ čas videakasiet i pravadnoha internetu ź piskučymi mademami, kali sama ideja telefona, jaki moh by pracavać z elektronnaj poštaj, — była napraŭdu navatarskaj.

Hetaj pary nie chapaje dziełavoha duchu, nieabchodnaha dla realnaha prodažu telefonaŭ. Voś čamu dalnabačny Łazarydzis prymaje rašeńnie abjadnać namahańni z pradaŭcom Džymam Bełsili (Hlen Choŭertan) — biaźlitasnym kapitalistam, jakomu cikavyja hrošy, a nie vynachodnictvy.

Jay Baruchel in BlackBerry
Džej Barušel ihraje sudyrektara Research In Motion Majka Łazarydzisa ŭ filmie BlackBerry. Fota: IFC Films

Adna z tem stužki — uraźlivaść i mahčymaść ekspłuatacyi kreatyŭščykaŭ na biaźlitasnym rynku. U toj ža čas film raskazvaje i pra toje, jak supracoŭnictva ludziej, absalutna roznych pa charaktary i kaštoŭnasnych aryjencirach, pryvodzić da pośpiechu BlackBerry, a potym i da zaniapadu — z hetaj ža pryčyny.

Krynica humaru i emacyjnaści ŭ filmie — Duhłas Frehin, supraćlehłaść Majka — techničnaha hienija, jaki jość mozham apieracyi, i, naturalna, biznesmiena Džyma. Duhłas nosić paviazku na hałavie i lubić čarapašak-nindzia. Duh ź liku tych «ajcišnikaŭ», jakija vyhladajuć i pavodziać siabie jak školniki, i čyja kamunikacyja — heta sumieś techničnych razmoŭ i cytat ź filmaŭ.

Siarod niedachopaŭ filma krytyki adznačajuć zabłytanaść i nievyrazny pasył: što ruchaje hierojami i «chto vinavaty», nie zaŭsiody jasna. U stužcy niama ni realnaha, ni virtualnaha piersanaža (apaviadalnika), čyj punkt hledžańnia padtrymlivaje historyja, i stvarajecca adčuvańnie, što jak byccam režysior i sam niedastatkova dobra viedaje svaich hierojaŭ.

Tym nie mienš stužka, zasnavanaja na knizie Džeki Makniš i Šona Siłkafa «Strata sihnału: nieraskazanaja historyja nievierahodnaha ŭźlotu i padzieńnia BlackBerry», vyhladaje jak nadzielenaja žyćciom, dušoj i smutkam. Heta apovied pra spraŭdžańnie mary, pakul sumnieŭnyja dziełavyja ździełki, svarki i, narešcie, zapusk i iPhone nie abjadnajucca, kab razburyć jaje.

 

Čytajcie jašče:

Film «Tetrys»: jak zamiežnyja biznesmieny kuplali pravy na suśvietna viadomuju hulniu ŭ savieckaha inžyniera

Što pahladzieć. «Santechniki Biełaha doma» — palityčnaja satyra na padstavie realnych padziej

Sučasnym dzieciam pakazvali kapirku, kasietny płejer, tetrys dy inšyja staryja rečy i pytalisia, što heta — viasiołaje videa

Hetyja babuli i dziaduli pieršy raz u žyćci zrabili sełfi FOTY

Kamientary2

  • Uład
    17.05.2023
    Telefony Nokia mnie padabalisia. A film-bajopik Nokia (u minułym hodzie) - nie.
    Telefon BlackBerry ja bačyŭ adzin raz, u majho školnaha siabra, jaki hadoŭ 15 tamu pryjejazžaŭ siudy sa ZŠA da svaich baćkoŭ :))) Treba zaraz pahladzieć kino pra jaho (pra telefon :).
  • nBK
    18.05.2023
    Revalucyjaj suśvieta suviazi była Mataroła. Jojny silikonavy čyp dazvalajeda hetaje pary za dziasiatki kiłametraŭ ad padstancyj karystacca ustojlivaje suviaźziu ź vielmi małaje siłaj sihnała čym ŭžo bolš za 40 hadoŭ karystajucca terrarysty, bo ciažka adsačyć słaby sihnał na vialikaje adlehłaści. Nastupnym krokam Simbijan ad Nokii, dzie byli šmatlikija jakasnyja prohi i dadatki ź vykštałčanymi mahčymaściami. Błekbery, jak i Ahryzki, jość vynikam darahoha markiecinhu, pierakupiŭšaha pieradavyja technalohii inšych vytvorcaŭ.

Ciapier čytajuć

Siłaviki masava zatrymlivajuć udzielnikaŭ konkursu homielskaha treš-błohiera13

Siłaviki masava zatrymlivajuć udzielnikaŭ konkursu homielskaha treš-błohiera

Usie naviny →
Usie naviny

U Rasii ŭzarvali čyhunku na ŭčastku Pskoŭ-Pieciarburh1

«Biełtelekam» patłumačyŭ, čamu byli pieraboi ŭ pracy sacsietak, anłajn-hulniaŭ i inšych płatform

Čamu ŭsio, za što biarecca Łukašenka, pravalvajecca23

Padrychtoŭka da sustrečy Trampa i Pucina ŭ Budapiešcie prypynienaja2

U Turkmienistanie ciažarnaja žančyna pamierła, bo jaje aŭtamabil nie puścili praz kartež Bierdymuchamiedava10

Były kiraŭnik Rečycy trapiŭ u SIZA3

Sa śniežnia ŭ Biełarusi zapracuje «finansavy markietpłejs» z akcyjami i ablihacyjami dziaržaŭnych pradpryjemstvaŭ7

U Jeŭropie ŭ adzin dzień zaharelisia dva NPZ, jakija atrymlivajuć rasijskuju naftu2

U Lachavičach pachvalilisia kopijaj histaryčnaha zamka, jakaja musić pryciahnuć turystaŭ — čatyry budki bolš nahadvajuć prybiralni12

bolš čytanych navin
bolš łajkanych navin

Siłaviki masava zatrymlivajuć udzielnikaŭ konkursu homielskaha treš-błohiera13

Siłaviki masava zatrymlivajuć udzielnikaŭ konkursu homielskaha treš-błohiera

Hałoŭnaje
Usie naviny →

Zaŭvaha:

 

 

 

 

Zakryć Paviedamić