Alejnik spadziajecca, što kitajcy pry arhanizacyi pieramoŭ pamiž Ukrainaj i Rasijaj nie zabuduć i pra režym Łukašenki
Aficyjny Minsk spadziajecca, što śpiecpradstaŭnik Kitaja naviedaje Biełaruś, a intaresy režymu Łukašenki buduć uličvacca na pieramovach pamiž Ukrainaj i Rasijaj. Takoje pažadańnie ministr zamiežnych spraŭ Siarhiej Alejnik vykazaŭ pa vynikach pieramoŭ sa svaim rasijskim kaleham Siarhiejem Łaŭrovym u Maskvie.
«Tamu my, sa svajho boku, naturalna, taksama budziem uvažliva sačyć za hetym pracesam, za prasoŭvańniem hetaj inicyjatyvy, za pieramovami kitajskaha śpiecpradstaŭnika ŭ Rasii, va Ukrainie. Nu, jon, darečy, źbirajecca i ŭ Francyju, i ŭ Hiermaniju, i ŭ Polšču.
Spadziajomsia, što na niejkim etapie jon zajedzie i ŭ Biełaruś, tamu što Biełaruś zaŭsiody była i zastajecca placoŭkaj dla mirnych pieramoŭ», — zajaviŭ Alejnik, adznačyŭšy, što ŭ Minsku za hetym pracesam buduć uvažliva sačyć.
«I naturalna, budziem raźličvać, što
našy intaresy ŭ hetym pieramoŭnym pracesie jak sumiežnaj krainy, jak krainy, jakaja na ŭsich etapach udzielničała ŭ mirnych pieramovach, źviazanych z urehulavańniem kanfliktu va Ukrainie, buduć taksama ŭličanyja», — skazaŭ Alejnik.
Raniej Kitaj pryznačyŭ byłoha svajho ambasadara ŭ Rasii Li Chueja śpiecpradstaŭnikom va Ukrainu. Dypłamat nibyta ŭžo prybyŭ va Ukrainu i maje sustrecca z Uładzimiram Zialenskim.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary