U kožnym rajonie Minska sioleta zrobiać zony adpačynku. Dzie ich raźmieściać i što tam budzie
Za papiarednija hady ŭ stalicy abstalavana 28 miescaŭ dla praviadzieńnia volnaha času žycharoŭ. Jak praviła, ich imknucca stvarać pablizu rek i vadajomaŭ. U pracesie terytoryi čyściać ad zaraśnikaŭ i śmiećcia, ukamplektoŭvajuć małymi architekturnymi formami, u niekatorych zonach adpačynku ŭładkoŭvajuć ekałahičnyja ściežki. Voś jakija kutki pryrody horada buduć zroblenyja sioleta, pišuć «Minsk-naviny».
Zavodski
Tut zapłanavanaje ŭładkavańnie cełych troch zon adpačynku. Pieršaja — na terytoryi parku 50-hodździa Vialikaha Kastryčnika. Jaje namiečana prezientavać da 3 lipienia. Tam užo adramantavali ściežki, zamianili apory aśviatleńnia, ustalavali abmiežavalniki zajezdu aŭtatranspartu, praciahvajuć rasčyščać terytoryju. U parku płanujecca ŭładkavańnie ŭvachodnaj hrupy, śviatłafornaha dreva, ustanoŭka niestandartnych darožnych znakaŭ, kvietačnicy-śvistka, a taksama vuličnych trenažoraŭ.
Druhaja zona adpačynku raźmieścicca pamiž paliklinikaj i škołaj na vuł. Bačyły. Jaje treba budzie zrabić da 1 žniŭnia. Tam užo demantavali staroje darožnaje pakryćcio. Na terytoryi zrobiać novyja piešachodnyja ściežki, ustalujuć architekturnyja formy, vykanajuć dadatkovaje azielanieńnie nasadžeńniami.
Jašče adna zona adpačynku źjavicca ŭ pierśpiektyŭnym skviery ŭ rajonie vuł. Arcioma i zavułku Brackaha. Jaje padrychtujuć da pryjomu haściej da kanca maja. Z zajaŭlenaj infrastruktury-dziciačaja i spartyŭnaja placoŭki, skryni i łaŭki, darožna-ściežkavaja sietka. U hetaj łakacyi płanujuć pravieści rajonny konkurs łavak, dziakujučy čamu tut źjaviacca kreatyŭnyja łavački.
Leninski
Siły i srodki nakirujuć na ŭładkavańnie ŭ dva etapy zony adpačynku ŭ skviery Viłkaŭščyna ŭ miežach vuł. Syrakomli, vuł. Ja. Łučyny i vuł. Haškieviča. Tam zrabili darožki. Skvier staŭ zielaniejšym: tut vysadzili 95 dreŭ. U płanach pastavić małyja architekturnyja formy, dziciačy kompleks. Kreatyŭnymi łaŭkami zonu adpačynku napoŭniać udzielniki rajonnaha konkursu «Najlepšaja łaŭka». Druhi etap uładkavańnia zony adpačynku maje na ŭvazie budaŭnictva leśvicy i placoŭki dla vyhułu chatnich žyvioł.
Maskoŭski
Da 3 lipienia zonu adpačynku ŭładkujuć u sadzie na vuł. Sapiehi. Tam užo ačyścili terytoryju ad łamačča, prybrali raślinnyja adchody, vykanali sanitarnaje abrazańnie dreŭ i pasadzili kusty. Napieradzie ŭstanoŭka altanak, małych architekturnych formaŭ, uładkavańnie dziciačaj hulniavoj placoŭki. Da Dnia horada akulturać častku zialonaha masivu, abmiežavanaha vuł. Umanskaj, vuł. Čyhunačnaj i pr. Dziaržynskaha. Terytoryju rychtujuć da abnaŭleńnia. Tut płanujecca ŭstanoŭka altanak, spartyŭnaj placoŭki.
Kastryčnicki
Pieršaja zona adpačynku raźmieścicca ŭ parku «Kurasoŭščyna» z boku vuł. Bresckaj. Płanujecca stvareńnie dziciačaha hulniavoha haradka ź biarvieńnia. Acanić vynik pracy miascovyja žychary zmohuć da 3 lipienia. A da 9 vieraśnia źmieniać terytoryju, prylehłuju da vuł. Kazinca. Tut chočuć zrabić darožna-ściežkavuju sietku, pastavić infarmacyjnyja stendy.
Partyzanski
Tut nie stali čakać Dnia Respubliki i ŭładkavali zonu adpačynku «La vodnaj roŭniadzi» ŭ skviery Ślapianskaj vodnaj sistemy ŭ miežach vuł. Filimonava i dziciačaj čyhunki da Dnia Pieramohi. Padčas subotnika ačyścili terytoryju ad łamačča, letašniaj listoty, adramantavali piešachodnyja suviazi. Zatym ustalavali čatyry vuličnyja trenažory dla zaniatkaŭ sportam, areli-altanku, dva hamaki dla adpačynku, a taksama dziciačy hulniavy kompleks. Da Dnia horada pieramieny pryjduć u Antonaŭski park. Tam źjaviacca spartyŭnaja i siamiejnaja zony, dziciačaja hulniavaja placoŭka.
Pieršamajski
Praciahvajecca dobraŭparadkavańnie asobnych łakacyj Sievastopalskaha parku. Mnohaje tam užo zroblena: pasadžana 186 dreŭ, źjavilisia piešachodnyja darožki, pastavili infarmacyjnyja stendy, ukazalniki, domik dla vaviorak. Napieradzie afarmleńnie tematyčnych stajanak, ustanoŭka łavak, skryniaŭ, dziciačaj placoŭki. Tut zapłanavanaje praviadzieńnie konkursu «Najlepšy art-abjekt». Druhi etap uklučaje ŭ siabie ŭładkavańnie darožna-ściežkavaj sietki, a taksama niekalkich spartyŭnych placovak.
Saviecki
Da Dnia Respubliki na terytoryi skviera Ślapianskaj vodnaj sistemy abiacajuć ustalavać dziciačuju i spartyŭnuju placoŭki, łavački, uładkujuć vohniščy, a na Cnianskim vadaschoviščy padoŭžać ekaściežku, abstalavaŭšy novuju častku krajavidnymi placoŭkami, infarmacyjnymi stendami, naviesami, altankami i inšaj meblaj z pryrodnych materyjałaŭ.
Padarunkam na Dzień horada dla žycharoŭ stanie dadatkovaje dobraŭparadkavańnie ŭ parku Družby narodaŭ. Źjavicca łabirynt z kustoŭ, altanki i małyja architekturnyja formy.
Frunzienski
Miescam pryciahnieńnia miascovych žycharoŭ da 3 lipienia pavinna stać terytoryja kala doma №17/2 na vulicy Fiodarava. Uvosień tam pasadzili drevy. Dalejšyja dziejańni — uładkavańnie piešachodnych suviaziaŭ i ŭstanoŭka małych architekturnych formaŭ. Uzbahacić infrastrukturu płanujuć za košt konkursnych rabot pradpryjemstvaŭ — udzielnikaŭ rajonnaha ahladu-konkursu «Najlepšaja łaŭka». Da 9 vieraśnia majuć namier źmianić terytoryju kala doma №3 na vuł. Hareckaha. Pryrodny łandšaft pryviali ŭ paradak, ciapier na paradku dnia ŭładkavańnie darožna-ściežkavaj sietki z vyłučeńniem niekalkich tematyčnych zon: manhalnaj, dziciačaj i cichaha adpačynku.
Centralny
U vadajomie pa vulicy Kamajskaj da Dnia respubliki čakajecca ŭładkavańnie piešachodnych suviaziaŭ z butavaha kamieniu, draŭlanaj leśvicy, draŭlanaj ahladnaj placoŭki, ustanoŭka dziciačaha hulniavoha kompleksu, łavak z naviesami-pierhołami, šezłonhaŭ. A da Dnia horada žychary ŭbačać praciah ekaściežki «Akno ŭ pryrodu», raźmieščanaj u miežach raki Śvisłač, RNPC «Maci i dziciaci», vuł. Navavilenskaj. Jaje, jak i inšyja zony adpačynku, ačyścili i dadatkova azielanili viasnoj. Ciapier terytoryju płanujuć padzialić na niekalki łakacyj z art-abjektami i instalacymi, draŭlanymi naściłami, pierhołami z raślinami, altankami.
Ciapier čytajuć
Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch16
Kamientary