«Ježcie sami». Ukrainskija pamiežniki adkazali biełaruskim, jakija zaprasili ich na boršč
Siońnia rankam źjaviłasia navina, što biełaruskija pamiežniki zapisali dla ŭkrainskich kaleh aŭdyjazaprašeńnie na boršč. Ukrainskija kalehi im adkazali ŭ sacsietkach.
«Novy kiraŭnik biełaruskich pamiežnikaŭ vyrašyŭ, što nakormlenyja padnačalenyja — lepš, čym uzbrojenyja! Tak što pakul technika ŭ boksach, bulba-IPSA ŭsim składam irvanuła pierapisvać recept ukrainskaha baršču na biełaruski matyŭ.
Tym nie mienš kolki bulby ŭ «kapustu» nie dadavaj, atrymlivajecca «sajuznaja poliŭka».
Karaciej, dobraja sproba, ale NIE!
Tamu źviartajemsia da vas z nastupnym: niepavažanyja nami, nietavaryšy, biełaruskija pamiežniki!
Niadaŭna vy zhadali pra padabienstva biełaruskaha i ŭkrainskaha baršču ź niaznačnymi adroźnieńniami.
Adnak vy, jak zaŭsiody, mocna pamylilisia.
Vaš boršč vielmi adroźnivajecca ad našaha. Tamu što ciapier biełaruski boršč, chutčej, padobny da rasijskaj kapusty, navat kali vy dadajacie tudy bolš bulby.
Jon zusim nie toj samy, jak heta było da momantu, kali dla jaho hatavańnia vy vykarystali nož, jaki ŭvatknuli ŭ śpinu ŭkraincaŭ.
Kryŭdna mieć susiedziaŭ, jakija, kažučy pra niejkuju identyčnaść i svajactva, imknucca da taho, kab być rabami, i nie majuć z nami ničoha ahulnaha.
Nazaŭždy zachavajcie sabie ŭ pamiaci i ŭ vašaj kulinarnaj knizie, što ŭkraincy — svabodalubnaja nacyja. Za svaju niezaležnaść my zaŭsiody zmahajemsia. Zatoje vy na heta nie zdolnyja i ŭžo šmat hadoŭ znachodziciesia ŭ pałonie adnaho tyrana i adnaho bunkiernaha dzieda.
Tak što vaša ciapierašniaje bulbianoje varyva pa kansistencyi padobnaje da turemnaj bałandy i zusim nie padobnaje da našaha ŭkrainskaha baršču.
My nie raby, kab sprabavać vaš biełaruski boršč.
Zamiest hetaha my raim vam źmianić «inhredyjenty» i stać svabodnym narodam, a nie hvałtoŭna źniavolenym.
A da taho — ježcie sami, nie padaviciesia.
Da siabie vas nie kličam i nastojliva raim zastavacca na svajoj terytoryi, tamu što paškadujecie!» — havorycca ŭ adkazie ŭkrainskich pamiežnikaŭ.
Ukrainskija i biełaruskija pamiežniki rehularna abmieńvajucca paviedamleńniami. Naprykład, 9 maja ŭkrainskija pahraničniki pavinšavali biełaruskich z Dniom Pieramohi.
Batł na 9 Maja pamiž estonskaj Narvaj i rasijskim Ivanharadam, jakija padzialaje raka
Ukrainskija pamiežniki pavinšavali biełaruskich z Dniom Pieramohi
«Visić nacyjanalny ściah ukrainski, i paviesili jašče bečebešnuju anuču». Staršynia Dziaržpahrankamiteta pra situacyju na miažy
Anatol Łapo: hienierał, jaki atrymaŭ tryccać srebranikaŭ
Novym kiraŭnikom Pahrankamiteta staŭ uradženiec Rasii, jaki adkazvaŭ za Bruzhi ŭ čas ataki mihrantami na Polšču
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary