HUBAZiK raskazaŭ, u čym vinavaciać katalickaha sieminarysta Uładzisłava Bieładzieda
Na Uładzisłava Bieładzieda, pa słovach siłavikoŭ, pisała danosy rasijskaja prapahanda, sam sieminaryst vystupiŭ na baku naroda ŭ 2020 hodzie.
Uładzisłava zatrymali ŭčora.
Ź videa siłavikoŭ stanovicca jasna, što jaho abvinavačvajuć u kamientarach suprać siłavych struktur Biełarusi. Da prykładu, cytujecca kamientar, dzie Uładzisłaŭ prapanuje likvidavać HUBAZiK, i toje, dzie jon kaža, što «milicyjanty zasłuhoŭvajuć pažyćciovaha za svaje złačynstvy». Za heta jamu pahražajuć artykułam za «raspalvańnie varožaści i varažniečy».
Na videa mužčyna vyhladaje mocna padaŭlenym, a momantami navat płača.
Taksama siłaviki apubličvajuć momanty jaho pryvatnaha žyćcia.
Nahadajem, Uładzisłaŭ Bieładzied — katalicki sieminaryst, jaki prachodziŭ praktyku ŭ Minskim archikafiedralnym kaściole. U 2020-m mužčyna padtrymaŭ ruch za svabodnyja vybary i publična maliŭsia za mir u Biełarusi.
Jaho imia ŭzhadvajecca ŭ šerahu «ruskamirskich» artykułaŭ pra suviaź biełaruskaha katalictva i arhanizataraŭ pratestaŭ (da prykładu, u artykule «Kataliki i polskaja podbiŭka biełamajdana» ad tak zvanaha «Fondu stratehičnaj kultury»).
Tydzień tamu pačaŭsia vitok represij suprać biełaruskich śviataroŭ. Siarod zatrymanych unijacki śviatar Aleś Šaŭcoŭ, ksiondz Andrej Kulik ź Mioraŭ i ksiondz Viačasłaŭ Adamovič ź Miorskaha rajona. Paśla stała viadoma, što Aleś Šaŭcoŭ atrymaŭ 15 sutak aryštu.
«Naša Niva» — bastyjon biełaruščyny
PADTRYMAĆCiapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie21
Kamientary