Hramadstva1717

Abychodzić sankcyi «kašalku Łukašenki» Zajcavu dapamahaje staŭbcoŭski ksiondz Łašuk — BRC

Adzin z «kašalkoŭ» Alaksandra Łukašenki, a ź niadaŭniaha času i vatykanski rycar Alaksandr Zajcaŭ karystajecca dziela abychodu jeŭrapiejskich sankcyj dapamohaj svajho znajomaha — katalickaha śviatara Ihara Łašuka. Heta śćviardžajecca ŭ novym rasśledavańni žurnalistaŭ «Biełaruskaha rasśledavalnickaha centra».

Ihar Łašuk z parafijankaj

Biznesoviec Alaksandr Zajcaŭ viadomy jak stvaralnik kampanii Sohra Overseas, saŭładalnik kampanii «Bremina hrup» i futbolnych kłubaŭ. «Bremina hrup» była stvoranaja na ŭkaz Alaksandra Łukašenki dla nabližanych da jaho biznesmienaŭ. Praź jaje i źviazanyja ź joj kampanii idzie istotnaja častka aficyjnaha tranzitu praź Biełaruś.

Taksama Zajcaŭ mieŭ dačynieńnie i da abaronnych prajektaŭ, źviazanych z kampanijami ŭ Biełarusi, Łatvii i va Ukrainie. Pad sankcyi Jeŭraźviaza jon trapiŭ u červieni 2021 hoda.

Pra toje, što Zajcaŭ pieršym u historyi Biełarusi atrymaŭ vatykanski tytuł rycara Ordena śviatoha Ryhora Vialikaha, stała viadoma ŭ śniežni 2022 hoda. Heta najvyšejšaja adznaka dla śvieckich asobaŭ, jakaja pryznajecca Papam. Pra padzieju nie paviedamlałasia na aficyjnych katalickich partałach, ale ŭsio ž taki stała viadoma, što vyśviaciŭ rehalii i pryniaŭ prysiahu ad novaha rycara arcybiskup Minska-Mahiloŭski Juzaf Stanieŭski, a va ŭračystaściach udzielničali ksiandzy Ihar Łašuk sa Stoŭbcaŭ i Juryj Žaharyn z Navahradka. 

Ksiondz Łašuk adznačyŭ, što viedaje aliharcha «šmat hadoŭ», «jon nie tolki asabista ŭzrastaŭ u viery, ale raspaŭsiudžvaŭ i pašyraŭ vieru Kaścioła tut, na biełaruskaj ziamli». A arcybiskup Stanieŭski padkreśliŭ, što sam Zajcaŭ nie šukaŭ hetaj uznaharody, a «ŭznaharoda šukała rycara Alaksandra, rycarskaja hodnaść šukała jaho».

Inicyjatyva «Chryścijanskaja vizija», jakaja pieršaj paviedamiła pra fakt uhanaravańnia Zajcava, mierkavała tady, što Zajcaŭ padtrymlivaŭ niekatoryja katalickija prajekty finansami, u tym liku ŭ pytańniach budaŭnictva. Adnak «Biełaruski rasśledavalnicki centr» vyjaviŭ bolš ščylnyja suviazi Zajcava i ksiandza Łašuka.

Pavodle BRC, u vieraśni 2021 hoda śviatar zasnavaŭ kampaniju «Alis ma», na jakuju padsankcyjnyja ŭładalniki kampanii «Bremina hrup» pierapisali častku svajoj majomaści. Prytym, što zajmacca biznesam katalickim śviataram zabaraniaje navat kananičnaje prava.

«Naša zadańnie — słužeńnie. Śviatar nie moža ŭdzielničać ni ŭ palityčnych partyjach, ni zajmacca biznesam. Heta niemahčyma navat pa kananičnym pravie. Takaja zajava — vielmi cikavaja navat dla nas. Tamu my taksama ŭ hetym pastarajemsia razabracca», — raskazaŭ žurnalistam Juryj Sańko, pres-sakratar Katalickaj carkvy ŭ Biełarusi.

Sam ksiondz Łašuk nie staŭ tłumačyć, jak jon staŭ uładalnikam kampanii, źviazanaj z «Bremina hrup». Svaje suviazi z Zajcavym jon kamientavać admoviŭsia.

«Heta maja asabistaja sprava, ja śviatar. Na niekatoryja pytańni ja nie adkazvaju nikomu, navat Papu, razumiejecie? Jość pytańni, jakija tolki pierad mnoj jość i Hospadam Boham», — skazaŭ Ihar Łašuk u telefonnaj razmovie.

Cikava pry hetym, što ŭ krasaviku 2022 hoda ksiandza Łašuka sudzili za «raspaŭsiud ekstremisckaj infarmacyi» i pryznačyli jamu štraf pamieram u 30 bazavych vieličyń.

Kamientary17

  • daviedka
    21.04.2023
    Chužie toho, dannyj ksiondz okazałsia tiesno poviazan biźniesom s «Briemino hrupp», za kotoroj stojał hienierał KHB.
  • vid́majavid́ma
    21.04.2023
    "«Heta maja asabistaja sprava, ja śviatar. Na niekatoryja pytańni ja nie adkazvaju nikomu, navat Papu, razumiejecie?"
    nie-a. nie razumiejem. śviataram što - možna ŭsio?
  • babrujčanin
    21.04.2023
    Mabyć ni hladzieu hiety ksondz i archIpiskap " Sprut" čym skončyli " bankiry vacikana"
    Vučyliś ..

Ciapier čytajuć

Maštaby, jakich vy nie mahli sabie ŭjavić — biełaruskija cyharety kurać u mnohich krainach Jeŭropy. Jak pracuje hety biznes16

Maštaby, jakich vy nie mahli sabie ŭjavić — biełaruskija cyharety kurać u mnohich krainach Jeŭropy. Jak pracuje hety biznes

Usie naviny →
Usie naviny

«Radavod — heta linza, kab pahladzieć na historyju Biełarusi». Stvaralnik anłajn-kursa pa hienieałohii raskazaŭ, navošta ŭsio heta3

Biełarus pad Homielem za paŭtary hadziny sabraŭ try vialikija košyki baravikoŭ6

Na plažy ŭ Aŭstralii znajšli butelku ź listami sałdat Pieršaj suśvietnaj vajny

«Biełaruś źnikaje» — tyktok plujecca z nahody pierajmienavańnia prypynkaŭ27

Kala Biarozaŭskaj DRES stali masava hinuć karasi

«Minus 650 jeŭra». Jak biełarusy rezka źmianiajuć maršruty paśla zakryćcia miažy ź Litvoj20

Brudnyja śmietnicy ŭ centry Słucka niečakana prybrali

U Homieli piensijanier adhaniaŭ na plažy kamaroŭ i trapiŭ pad sud9

Dva pamiežnyja pierachody na miažy Polščy i Biełarusi płanujuć adkryć u siaredzinie listapada2

bolš čytanych navin
bolš łajkanych navin

Maštaby, jakich vy nie mahli sabie ŭjavić — biełaruskija cyharety kurać u mnohich krainach Jeŭropy. Jak pracuje hety biznes16

Maštaby, jakich vy nie mahli sabie ŭjavić — biełaruskija cyharety kurać u mnohich krainach Jeŭropy. Jak pracuje hety biznes

Hałoŭnaje
Usie naviny →

Zaŭvaha:

 

 

 

 

Zakryć Paviedamić