Kanada pieršaj u śviecie pačnie drukavać papiaredžańni ab škodzie kureńnia na kožnaj asobnaj cyharecie, piša CNN.
«Tytuniovy dym škodzić dzieciam», «Cyharety vyklikajuć rak», «Jad u kožnaj zaciažcy» — takija nadpisy kurcu niemahčyma budzie nie zaŭvažyć, bo jany buduć na kožnaj cyharecie. Nadpisy zrobiać na anhlijskaj i francuzskaj movach.
«Novyja pałažeńni pra vonkavy vyhlad, upakoŭku i markiroŭku tytuniovych vyrabaŭ buduć častkaj pastajannych namahańniaŭ urada Kanady pa akazańni dapamohi darosłym, jakija kurać, kinuć kureńnie, pa abaronie moładzi i tych, chto nie kuryć, ad nikacinavaj zaležnaści i pa dalejšym źnižeńni pryvabnaści tytuniu», — havorycca ŭ pres-relizie kanadskich čynoŭnikaŭ achovy zdaroŭja.
Novyja praviły ŭstupajuć u siłu 1 žniŭnia i buduć uvodzicca paetapna: da lipienia 2024 hoda papiaredžańni pačnuć drukavać na cyharetach pavialičanaha pamieru, a da krasavika 2025 hoda — na zvyčajnych.
Novaje rehulavańnie źjaŭlajecca častkaj płanaŭ krainy źnizić užyvańnie tytuniu da mienš čym 5% da 2035 hoda.
Kureńnie marychuany pavyšaje imaviernaść raźvićcia šyzafrenii. Asabliva ŭraźlivyja chłopčyki-padletki i junaki
U Šviejcaryi paralizavanamu mužčynu ŭžyvili impłanty ŭ mozh i chrybietnik. Ciapier jon znoŭ moža chadzić
Štučny intelekt dapamoh navukoŭcam stvaryć novy antybijotyk suprać vielmi niebiaśpiečnaj supierbakteryi
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara36
Kamientary