Vajna

Pryhožyn zajaviŭ ab vyvadzie 99% najmitaŭ PVK «Vahnier» z Bachmuta. Jon śćviardžaje, što Minabarony RF zaminiravała šlachi vychadu jaho padraździaleńniaŭ

Kiraŭnik PVK «Vahnier» Jaŭhien Pryhožyn zajaviŭ pra faktyčna poŭny vyvad najmitaŭ z zachoplenaha Bachmuta Danieckaj vobłaści Ukrainy. U svaim telehram-kanale jon śćviardžaje, što šlachi adychodu z Bachmuta zaminiravali rasijskija vajskoŭcy.

«Na 2 červienia praktyčna 99% padraździaleńniaŭ PVK «Vahnier» pakinuli Bachmut. Usie pazicyi pieradadzienyja ŭ naležnym paradku Ministerstvu abarony. Nijakich pytańniaŭ, zaŭvah niama», — paviedamiŭ Pryhožyn.

Pavodle jaho, z boku USU pravakacyj nie było. Adnak «siurpryzy čakali ź inšaha boku».

«Niezadoŭha da našaha vychadu my vyjavili padazronuju aktyŭnaść na šlachach našaha vyłučeńnia. U ramkach vyjaŭleńnia hetaj padazronaj aktyŭnaści my vyklikali pravaachoŭnyja orhany i stali daśledavać šlachi našaha vychadu ŭzdoŭž daroh.

My vyjavili kala dziasiatka miescaŭ, dzie byli raźmieščanyja roznyja vybuchovyja pryłady, pačynajučy ad sotniaŭ procitankavych min i zakančvajučy tonami płastydu».

Pryhožyn kaža, što vahnieraŭcy vyklikali «pravaachoŭnyja orhany», kab usio zadakumientavać.

Jon śćviardžaje, što «ciapier viaducca raźbiralnictvy i rasśledavańni».

«Tyja, chto zakładvaŭ hetyja zarady, byli pradstaŭnikami Ministerstva abarony. Na pytańnie, dla čaho vy heta rabili, jany tykajuć palcam uvierch. Na pytańni pakul nie adkazvajuć. <…> Nichto nie paciarpieŭ.

Što heta było? My miarkujem, što heta była sproba publičnaj łupcoŭki», — paviedamiŭ Pryhožyn.

Pryhožyn abviaściŭ ab vychadzie PVK «Vahnier» z Bachmuta 25 maja. Jon abiacaŭ pierabaziravać najmitaŭ u tyłavyja łahiery da 1 červienia i pieradać pazicyi rehularnaj armii. Ab poŭnym zachopie Bachmuta Pryhožyn abjaviŭ 20 maja.

Bai za Bachmut išli sa žniŭnia 2022 hoda, u kastryčniku da ich dałučyłasia PVK «Vahnier». 

Straty rasijskich vojskaŭ tam skłali zabitymi i ranienymi, pavodle roznych acenak, 60-100 tysiač čałaviek. 

Kamientary

Ciapier čytajuć

Jak vyhladaje znutry rezidencyja Łukašenki «Krasnasielskaje»13

Jak vyhladaje znutry rezidencyja Łukašenki «Krasnasielskaje»

Usie naviny →
Usie naviny

Marzaluk pra adnosiny z žonkaj: Chadžu na zadnich łapach11

Mierkiel: Tramp začaravany pucinskaj Rasijaj11

Zahinuŭ 22-hadovy biełarus Alaksandr «Łyč» Sierada, jaki vajavaŭ za Ukrainu22

Klimat Biełarusi stanovicca ciaplejšym chutčej, čym u bolšaści krain śvietu8

Bujnomu dyśpietčaru taksi zabaranili pracu ŭ Biełarusi4

Marzaluk: Hierb Pahonia nikoli nie byŭ zabaronieny!29

Zialenski zaćvierdziŭ hrupu, jakaja budzie vieści mirnyja pieramovy3

Što źmienicca dla markietpłejsaŭ i kali ŭviaduć apłatu tolki bieznajaŭnymi? Raskazali ŭ ministerstvie

Pavieł Duraŭ pakinuŭ Francyju i adpraviŭsia ŭ Dubaj pa dazvole suda5

bolš čytanych navin
bolš łajkanych navin

Jak vyhladaje znutry rezidencyja Łukašenki «Krasnasielskaje»13

Jak vyhladaje znutry rezidencyja Łukašenki «Krasnasielskaje»

Hałoŭnaje
Usie naviny →

Zaŭvaha:

 

 

 

 

Zakryć Paviedamić