Rybak vyłaviŭ samaha vialikaha soma ŭ śviecie. Jaho daŭžynia amal try mietry
Alesandra Bjankardzi ź Italii ciapier moža hanarycca svaim i, imavierna, suśvietnym rekordam. Jamu ŭdałosia złavić soma amal trochmietrovaj daŭžyni.
Pa słovach Alesandra, jon rybačyŭ na łodcy na race Po ŭ paŭnočnaj Italii. «Ja byŭ zusim adzin, kali sutyknuŭsia z samaj vialikaj rybaj, jakuju kali-niebudź bačyŭ u svaim žyćci», — skazaŭ jon.
Alesandra złaviŭ jeŭrapiejskaha soma na śpininh. Baraćba z hihanckaj rybaj praciahvałasia kala 40 chvilin, pakul rybaku nie ŭdałosia vyciahnuć soma na bierah, piša Delfi.
Daŭžynia skłała 285 santymietraŭ. Kali pieravyšeńnie papiaredniaha rekordu na čatyry santymietry budzie paćvierdžanaje dakumientalna, ułoŭ Bjankardzi stanie suśvietnym rekordam.
Paśla fotasiesii z trafiejem italjaniec adpuściŭ rybu ŭ raku.
Bjankardzi — prafiesijny łaviec samoŭ u kampanii MadCat Fishing, jon zajmajecca hetym užo 23 hady. «Hety monstar — vynik 23 hadoŭ napružanaj pracy», — kamientujuć pośpiech jaho kalehi.
Jeŭrapiejski som (Silurus glanis) — bujny vid soma, jaki žyvie na šyrokich terytoryjach Centralnaj, Paŭdniovaj i Uschodniaj Jeŭropy ŭ basiejnach Bałtyki, Čornaha i Kaśpijskaha moraŭ. Zaviezieny ŭ Zachodniuju Jeŭropu jak kaštoŭnaja spartyŭnaja ryba, ciapier sustrakajecca ad Vialikabrytanii da Kazachstana i Kitaja i da Hrecyi i Turcyi. Presnavodnaja ryba adroźnivajecca šyrokaj płoskaj hałavoj i šyrokim rotam. Jeŭrapiejski som moža pražyć da 50 hadoŭ.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary
adpuściŭ... dyk jana ž paraniena i šakavana
ci doŭha hety stary som paśla takoha pražyvie?