7 červienia ministr zamiežnych spraŭ Siarhiej Alejnik sustreŭsia ź ministram handlu, pramysłovaści i inviestycyj Respubliki Kienija Moziesam Kuryja i ministram sielskaj haspadarki i raźvićcia žyviołahadoŭli Franklinam Micika.
Klučavymi na pieramovach stali pytańni supracoŭnictva dźviuch krain u śfiery sielskaj haspadarki, charčovaj biaśpieki, pramysłovaj kaapieracyi, pastavak biełaruskaj techniki, jak paviedamlaje pres-słužba MZS.
Taksama baki abmierkavali mahčymaści vykarystańnia pieradavoha biełaruskaha dośviedu i technałohij pry stvareńni pradpryjemstvaŭ charčovaj pramysłovaści na terytoryi Kienii.
Na razhladzie bakoŭ znachodzicca pakiet dvuchbakovych damovaŭ, u ich liku — bazavyja ekanamičnyja pahadnieńni. Paviedamlajecca, što asobnuju ŭvahu nadali pytańniam paskareńnia pracy pa ich zaklučeńni.
«U chodzie sustrečy baki kanstatavali supadzieńnie pazicyj u tym, što mirnaje ŭrehulavańnie lubych miždziaržaŭnych kanfliktaŭ jość załoham ustojlivaha raźvićcia krain i rehijonaŭ. Razhladzieli pierśpiektyvy abmienu vizitami na roznych uzroŭniach i paćvierdzili ŭzajemnuju zacikaŭlenaść u pradaŭžeńni raboty pa vyvadzie adnosin dźviuch krain na ŭzrovień stratehičnaha partniorstva», — paviedamlaje MZS.
Kamientary
Ostałoś, čtoby połnosťju sootvietstvovať, pieriekrasiť ćviet koži alejniku, chotiaby lico i ruki.